Yoane 12:40 - Amazwi Yakwe Leza 2013

⁴⁰ “Leza watapafuzya manso yao, nu kukomya myenzo yao, pakuti manso yao yatalola nanti yakampingu yao iiluke, pano limwi yangiza kunondi ne Leza, nga nane njapozye.”

Yoane 12:40 ပူးပေါင်းရင်းမြစ်များ

1 Yamwene 22:20

Nga Yawe auzya ati, ‘Aweni amaya akalyombeleke Aabu pakuti akatuke akaye ku kulwisya umusumba wa Lamoti Gileadi, apakuti nu kufwila akuno ace akafwile?’ Angeli yamwi iyaasuka iviiyele, nauze nayo iviiyele.

Masamu 147:3

Aliwe alapozya imyenzo yakwe yayo aculisye, alayanyepela ni vilonda vyao.

Masamu 41:4

Nemo nkuti, “We Yawe, unganguvwila uluse, umpozye pano naifya kunuli!”

Masamu 6:2

Ya na mizu kunondi, we Yawe, pano nemo natonta naongoka, umpozye we Yawe, pano nati mpomponteka nu mu mafupa.

Kufuma 10:1

Nupya Yawe anena Mose ati, “Yanga kwi sano unene Falao uti, ‘Nene natindenga kuti aliwe na yacilolo yakwe yakome myenzo pakuti incite vizungusyo pakasi kao.

Kufuma 11:10

Mose na Aaloni iyacita vizungusyo vyonsi pa manso yakwe Falao, lelo Yawe alenga Falao kuti akome umwenzo. Caleka atazumilizye aina Izlaeli kuti yafume mu mpanga yakwe

Kufuma 14:17

Ndalenga aina Eguputo kuti yakome imyenzo cuze cakuti yalalondelela aina Izlaeli. Lulumbi lulapelwa kunondi pakucimvya Falao ni vita vyakwe vyamu maceleta kumwi ni vya pa mfwalasi.

Kufuma 14:4

Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 14:8

Yawe aleka Falao umwene waku Eguputo kuti akome umwenzo, cakuti alondelela aina Izlaeli lunkwalunkwa, yano afumanga mu mpanga ilya nu kupama.

Kufuma 4:21

Nupya kwene Yawe anena Mose ati, “Ndakai lino ukuswilila ku Eguputo, ukasininkizye ukuti wacita pa manso yakwe Falao vizungusyo vyonsi vino nakupeela maka kuti ucite. Lelo ndalenga kuti Falao akome umwenzo nupya atalaleka antu yapite.

Kufuma 7:13

Lelo nanti cali vii, Falao atwalilila ukukoma umwenzo wakwe vino Yawe wavwanzile ukuti, Falao ataluvwa kuli Mose na Aloni.

Kufuma 7:3

Lelo ndalenga Falao akome umwenzo cuze. Nanti angala ndacita vizungusyo vya maka vivule mu Eguputo, wene ataluvwa kunomuli.

Kufuma 9:12

Lelo Yawe alenga Falao kuti akome umwenzo, wakwe vino Yawe wavwanzile ukuti, Falao ataluvwa ku mazwi yakwe Mose na Aloni.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Ezaya 29:10

Pano Yawe wataleka ukuti mwemo mwasipula, mupone nu mutulo twa mfwa. Yakasema ali yano yalaatungulula antu, lelo Leza wene wayazyatika amanso.

Ezaya 53:5

Lelo ukuya kwene, apali ucipote witu, icalenzile ukuti yamucisole vivi. Apamulandu wa uyi witu, icalesile ukuti yamume mu musango uwa. Ukuumwa kwakwe ukwalenzile ukuti twikale mu longo. Ivyumo vyakwe ivyalenga ukuti tupole.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Ezaya 6:9

Lyene nawe anena ati, “Pita ukanene antu yaa uti, ‘Nanti mungakutika uli, lelo mutangatezya. Ukulola mungalola, lelo mutangiluka.’”

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Yelemiya 5:21

sumbiniko amano, mwe antu atumpe nupya aulwa amano, mwemuno mwakwata amanso, lelo musilola nupya mwakwata amatwi, lelo mwemo musiuvwa.

Ezekelo 12:2

“We mwana wa muntu, wemo wikala pakasi ka antu yacisanguka. Yene yakwata amanso akulolelako, lelo yasilola. Yakwata amakutwi akuuvwilako, lelo yasiuvwa, pamulandu wakuti acisanguka.

Ezekelo 14:9

“Ndi cakuti kasema yamulyombeleka kuti aseme vyaufi, ala anene ne Yawe natindyombeleka kasema wiyo. Nga ndaomvya amaka yane nu kumupezya apakumufumya pakasi ka antu yane aina Izlaeli.

Oseya 14:4

Yawe akuti, “Ndawezya antu yane kunondi, ndayatemwa nu mwenzo wane onsi, pano natinta ukuyasokela.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Mateo 15:14

Lekini yaye. Yene intunguluzi mpafu. Impafu ndi yatungulula impafu yuze, ale zyoili kwene zingaponela mu ciwina.”

Mako 4:12

pakuti, ‘Kulola yangalola, lelo yatangailuke. Nu kuuvwa yanguvwa, lelo yatangamanya ningo. Pano iyamanya yangazenzuka, nga Leza ayelele.’”

Mako 6:52

pano yatilwike vino cikusenula icakulisya antu mazimbi yasano ni mikate isano, pano imyenzo yao yali inyepwe.

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Luka 8:10

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe, pakuti, yangalola lelo yatangailuke nu kuvwa yanguvwa lelo yatangamanya ningo.

Yoane 12:39

Caleka yaposiwe kutaila, pano Ezaya nupya wavwanzile ati,

Yoane 9:39

Yesu avwanga ati, “Nizile mu nsi ku kupingula milandu ya antu onsi, kuti yao asyalola yalole, na yao akalola nao yaye impafu.”

Milimo 15:3

Amwi uvi yayasukilila pa lwendo, yasalala mu Fonisya na Samaliya ala yakulandila ataile vino Akulukuwa yataile muli Leza, ilandwe lii lizanzya ataile.

Milimo 28:26

Pano wavwanzile ati, ‘Yanga ku antu ya uyanene uti, kuuvwa yanguvwa, lelo yatangamanya ningo. Nu kulola yangalolekesya, lelo mu cumi yatangailuke.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Loma 9:18

Caleka Leza akaya na mizu kuli wino akasi kuyela mizu, nga nu kukomya mwenzo wakwe wino akasi kukomya mwenzo.

Malango 29:4

Lelo mwemo ukufika na pi lelo mutacili mupelwe amano akwiluka pa vintu vino mwailolile.

Yoswa 11:20

Cali ipange lyakwe Yawe kuti antu yalya yakomye imyenzo yao yacite ulwi na ina Izlaeli, pakuti wene ayalovye yonsi pyu ukwaula uluse, wakwe vino Yawe wapeezile ilamulo kuli Mose.