Yoane 12:32 - Amazwi Yakwe Leza 2013

³² Lelo lino nemo ndasamikwa ku cimuti, ndaongwela antu yonsi kunondi.” (

Yoane 12:32 ပူးပေါင်းရင်းမြစ်များ

2 Samueli 18:9

Umu kupumikizya, Abusalomu akomenkanya antu yakwe Davidi yamwi. Wene wakwezile pa nyumbu, nga lino nyumbu ikupita umwisika ya misambo ya muti umuoko ukulu, umutwe wakwe Abusalomu iufyantama umu misambo ya muti ulya. Nyumbu itwalilila ukupita, lelo Abusalomu asyala akunyinyinda ku muti.

Lwimbo lwakwe Solomoni 1:4

Nsenda sile, tuye tuutuke, tupitisye! We mwene wane njingizya mu muputule wako, uleke swensi tuzange nu kusansamukila munuli. Twawanzya ulukundo lwako luno lwaluta waini. Acino anaci yonsi yakutemelwa.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Oseya 11:4

Nayapalamike kunondi uku luse nu kutemwa. Nayanyemwile nu kuyemekezya kwi tama lyane. Nakontime nu kuyimula.

Mpendwa 21:9

Acino Mose apanga inzoka ya mukuwa nga aikoweka na pa mulongoti. Lyene umuntu ali wensi ndi walumika ni nzoka, nga aiza alolekesya pa nzoka ya mukuwa, wene aya nu umi.

Yoane 1:7

Yoane wizile nga kambone kukupeela umboni pamulandu wa luswepo, kuti yonsi auvwa umboni wakwe yataile mwi landwe lyakwe lya luswepo kwene luu.

Yoane 12:34

Caleka iumba limunena liti, “Tuvwile mu Masunde itu vino Katuula uwalavilwe alaya nu umi manda pe. Uzye lyene wemo ungavwanga uli uti, Mwana wa Muntu alinzile kusamikwa pa cimuti? Uzye Mwana wa Muntu wii aweni?”

Yoane 18:32

Cii, cacitike kufikilizya mazwi yano Yesu wavwanzile pa kulanga musango wa mfwa ino wali nu kufwa.)

Yoane 19:17

Yesu nawe afuma mu musumba, ala asenzile lupanda lwakwe, aiiza ku cifulo camwangwa ukuti, “Pa cifulo ci Panga.” (Mu Ciyebulai cikaamwa ukuti, “Gologota.”)

Yoane 3:14

Wakwe vino Mose wasamike inzoka ya mukuwa pa cimuti mu lwanga, avino nu Mwana wa Muntu ali nu kusamikwa pa cimuti

Yoane 6:44

Kusi umwi angiza kunondi, suka sile Tata wino uwantuma ndi wamuleta kunondi, nga nani ndaleka azyukuke aye nu umi pa wanda wampelelekezyo.

Yoane 8:28

Caleka Yesu ayanena ati, “Alala mwatumpula Mwana wa Muntu, lyene mulamanya vino ‘Nene ali nene kwene.’ Alino mulamanya vino nsyaicitila cimwi nenga, lelo nkavwanga sile vino Tata wanena kuti mvwange.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

1 Timoti 2:6

Wene waipile kuti akulule antu onsi. Cii cali icisininkizyo pa nsita ilingane ukuti Leza akalonda umuntu wensi atuulwe.

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.