Yoane 12:23 - Amazwi Yakwe Leza 2013

²³ Yesu avwanga ati, “Kasita kati kafika kuti Mwana wa Muntu apelwe lulumbi lukulu cuze.

Yoane 12:23 ပူးပေါင်းရင်းမြစ်များ

Ezaya 55:5

Wemo ulaama umutundu uno utatazile umanyikwe. Imitundu ino itamanyikwa iliza ulwilo kunuli, apamulandu sile wakwe Yawe wako, Wamuzilo wakwe Izlaeli, iyo ino ilakucindika.

Ezaya 60:9

Icumi kwene amawato yankolonganila ukufuma ku mpanga zya kutali, ala ivyombo vyaku Tasyisyi yali apankolelo, yakuleta antu yakwe Leza kuno kumwao, ala yasenzile siluva na zaabu, kuti yize yatuule kuli Yawe, Leza winu, Wamuzilo wilya wakwe Izlaeli, pano aliwe wamupeela ucindami.”

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Mateo 26:45

Lyene awela ku alondezi, ayanena ati, “Uzye mucili mukaswile nu kupuza? Lolini! Kasita kati kafika nu Mwana wa Muntu akupelwa mu makasa yakwe yakaifya.

Mako 14:35

Apita katalamukila panono, afukama pansi nga apepa ukuti, “Ndi cingaya, kasita ka ucuzi kasisiwe kunondi.”

Mako 14:41

Lyene lino wiza iila lyakwe citatu, ayanena ati, “Uzye mucili mukaswile nu kupuza? Icilingana! Kasita kati kafika! Lolini, Mwana wa Muntu akupelwa mu makasa yakwe yakaifya.

Yoane 12:16

Pa kasita kaka alondezi yakwe yatilwike vintu vii. Lelo lino Yesu watumpwilwe nu kupelwa lulumbi, yene iusya vino malembelo yalanda cii pali aliwe, nga na vino yamucitile vintu vii.

Yoane 12:27

“Ndakai nuvwa ulanda cuze mu mwenzo. Uzye namavwanga cani? Uzye namavwanga inti, ‘Tata, untuule mu kasita kaa ka macuzi?’ Lelo uli mulandu uno nizile, kuti mpite mu kasita kaa ka ucuzi.

Yoane 13:1

Kwasile sile uwanda onga kufika ku kuzevya kwa Cimulo ca Ucilo. Yesu wamanyile vino kasita kati kafika ka kufuma mu nsi kuya kuli Isi. Pano insita zyonsi watemilwe akwakwe yano ali mu nsi. Wene wayatemilwe cuze.

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.