Yoane 12:16 - Amazwi Yakwe Leza 2013

¹⁶ Pa kasita kaka alondezi yakwe yatilwike vintu vii. Lelo lino Yesu watumpwilwe nu kupelwa lulumbi, yene iusya vino malembelo yalanda cii pali aliwe, nga na vino yamucitile vintu vii.

Yoane 12:16 ပူးပေါင်းရင်းမြစ်များ

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Mako 9:32

Lelo yene yatamanyile vino usambilizyo u wasenulanga, nga yuvwile intete kuti yamuzye.

Luka 18:34

Lelo alondezi yatamanyilepo nanti cimwi ca pa vintu vii. Yene yatilwike cino Yesu walandanga, pano calanga cafiswa kunoyali.

Luka 24:25

Lyene Yesu ayanena ati, “Viwelewele mwe, mwe muno mwakoma myenzo pa kutaila vintu vino yakasema yalanda.

Luka 24:45

Lyene akupulula myenzo yao kuti yamanye malembelo.

Luka 9:45

Lelo yene yatamanyile vino cii casenulanga. Walanga muvwango uu wafiswa kunoyali cakuti yatamanyile vino ukusenula nga yuvwile intete kuti yamuzye pamulandu uu.

Yoane 12:23

Yesu avwanga ati, “Kasita kati kafika kuti Mwana wa Muntu apelwe lulumbi lukulu cuze.

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Yoane 16:4

Lelo nati munena cii, kuti lino insita iliza yakuti antu yacite vintu vii, muliusya vino namunenyile. “Ntamunenyile vintu vii kufuma lino natandike kuomba.

Yoane 17:5

Tata! Ndakai mpela lulumbi pa manso yako, luno nene nawe twakweti lino insi itali icitwe.

Yoane 2:22

Caleka lino wazyukwike kufuma ku afwe, alondezi yakwe iusya vino wavwanzile cii, nga yataila malembelo na mazwi yano Yesu wavwanzile.

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Milimo 2:36

“Caleka aina Izlaeli yonsi yalinzile kumanya ningo vino Yesu wii wino mwatanyile pa lupanda awino Leza watacita kuya Umwene na Klistu.”

Milimo 3:13

Leza wakwe Abulaamu, Isaki na Yakobo, Leza wa vikolwe vitu uwapela lulumbi kuli Yesu muomvi wakwe. Mwemo mwamupile ku ntunguluzi zya Ciyuda mumukana pa manso yakwe Pilato, nanti angala Pilato wakasi kuti amusapule.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Ayebulai 8:1

Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.