Yoane 12:13 - Amazwi Yakwe Leza 2013

¹³ Caleka yatoola makambalala ya mikoma, yazuka yakumukomanya yasanzika mazwi yati, “Mucinzi upelwe kuli Leza! Walongo awiyo akwiza mwi zina lya Mwene! Walongo a Kateeka wa Izlaeli!”

Yoane 12:13 ပူးပေါင်းရင်းမြစ်များ

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Aina Levi 23:40

Pa wanda wakutandika, mwasenda iviseekwa vinu visuma ukuluta ukufuma ku vimuti vinu ivya viseekwa. Mwasenda misambo ya tuncindu ni misambo ya vimuti vino vyakwatisya mafwa. Ndi mwacita vii alino mutandika cimulo ca mapepo yakucindika Yawe, Leza winu.

Zefaniya 3:15

Ala Yawe wene watalovya anisi inu, Watalovya yayo yonsi akamucuzya. Yawe uwamuteeka mwemwe mwe ina Izlaeli, ali namwe, fwandi kusi icakuti mwaoopa foo.

Mateo 23:39

Namunena vino mutalandola nupya, kufika lino mulavwanga muti, ‘Walongo awiyo akwiza mwi zina lya Mwene.’ ”

Mateo 27:42

“Watuulanga auze, lelo wene atangaituule! Ndi cakuti wene Mwene wa Izlaeli, lekini aike ku lupanda ndakai kwene. Lyene tumataila!

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

Yoane 12:14

Lyene lino Yesu wazana mwana punda, nga akwelapo ndi vino calembwa mu malembelo cati,

Yoane 12:15

“Mutoopa, mwe antu amu musumba wa Zioni! Lolini, Mwene winu akwiza, watakwela pali mwana punda.”

Yoane 19:15

Caleka yasanzika mazwi yao yati, “Mukome! Mukome! Atanwe pa lupanda!” Pilato ayauzya ati, “Uzye mukulonda ntane mwene winu pa lupanda?” Yasimapepo akalamba yaasuka yati, “Tutakweti mwene muze suka Kesa!”

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.