Yoane 12:1 - Amazwi Yakwe Leza 2013

¹ Kwasile sile manda mutanda kufika ku kuzevya Cimulo ca Ucilo, nga Yesu aiiza ku Betaniya kuno Lazalo wikalanga wino wazyukwike kwi zwi lyakwe.

Yoane 12:1 ပူးပေါင်းရင်းမြစ်များ

Mateo 21:17

Alino Yesu afuma mu musumba, ayasya aya ku Betaniya akuno waile asendama.

Mako 11:11

Yesu aingila mu Yelusalemu, nga aya mu Ng'anda ikulu yakwe Leza, alino acelecensya konsi konsi. Lelo pano yali amanguzi, apita aya ku Betaniya pamwi na alondezi yakwe ikumi na yaili.

Luka 24:50

Lyene ayasenda kufika nu ku Betaniya, nga akatusya makasa yakwe ayapolelela.

Luka 7:37

Lolini mu musumba ulya mwali umwanaci uwali cizelele. Uvwile vino Yesu akulya mu ng'anda ya Mufaliseo. Caleka aleta musazi wa mafuta amununko usuma,

Yoane 11:1

Muntu umwi izina lyakwe a Lazalo, walwile. Wene wikalanga ku Betaniya, umuzi uno yakaci yakwe oili Maliya na Mata ikalanga. (

Yoane 11:43

Pacisila lino wavwanga vii, alaizya ni zwi likulu ati, “Lazalo, fuma.”

Yoane 11:44

Alino Lazalo afuma, ala makasa na maulu yakwe yafufilwe mu nsalu ya mufwe, nga nu ku manso yakwe kwafufilwe ni citambala. Yesu ayanena ati, “Mufupululini nsalu, lekini apite.”

Yoane 11:55

Lyene insita yakuzevya Cimulo ca Ucilo ipalama, nga antu aingi yafuma mu mizi yaya ku Yelusalemu ku kuisangulula kulingana nu lutambi lino kuzevya kwa Cimulo ca Ucilo kutali kufike.

Yoane 12:12

Uca katondo iumba likulu lino lizile ku Cimulo ca Ucilo, lyuvwa ukuti Yesu akwiza ku Yelusalemu.

Yoane 12:20

Pali yao aile ku Yelusalemu ku kupepa Leza pa nsita ya kuzevya Cimulo ca Ucilo, pali Agiliki yamwi.

Yoane 12:9

Lino iumba likulu lyuvwa ukuti Yesu ali ku Betaniya, liya kweneko, asi kukulola sile Yesu, lelo kukulola na Lazalo kwene, wino wazyukwike kwi zwi lyakwe Yesu.