Yoane 11:51 - Amazwi Yakwe Leza 2013

⁵¹ Ataivwangilanga cii kukulonda kwakwe. Lelo pano wali a Simapepo Mukulu mu mwaka ulya, wasemanga vino Yesu ali nu kufwila Ayuda.

Yoane 11:51 ပူးပေါင်းရင်းမြစ်များ

Kufuma 28:30

Mu cakuzwala ca pacisao cico uwaikamo vintu vyamuzilo vyakwe Yawe vino vikaamwa ukuti Ulimu na Tumimu, kuti vintu vivyo vyaya pa cakuzwala ca pacisao cakwe Aaloni pakuya kuli Yawe. Avino Aaloni akaaya ku manso yakwe Yawe insita zyonsi, akakwata vyakumwazwa kupingula ningo aina Izlaeli.”

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Mpendwa 22:28

Lyene Yawe apeela punda amaka akuvwanga, nga nawe anena Balamu ati, “Uzye icani cino ninkucita pakuti ungume musango kwene uu amaila yatatu?”

Mpendwa 24:2

Lino Balamu akwiza akwinula amanso, alola aina Izlaeli papa pano yakuuzile insakwe zyao, ala yali muli cila mutundu mutundu. Alino lyene Mupasi wakwe Leza iwikila panoli,

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Yoane 10:15

Ndi vino Tata wamanya, nani namanya Tata, nga naipela kufwila mfwele.

Yoane 11:49

Lelo wenga uwa munoyali akaamwa ukuti Kayafa, wino wali a Simapepo Mukulu mu mwaka ulya, ayanena ati, “Mwemo mutamanyile nanti cimwi!

Yoane 18:13

Yatala yamutwala kuli Anasi. Wene wali a sivyala wakwe Kayafa, wino uwali a Simapepo Mukulu mu mwaka ulya.

1 Kolinto 13:2

Ningakwata uwila wa kusema, ningakwata kumanya konsi nga nu kumanyikisya nkama zyonsi. Ningakwata utailo ukulu ukalondekwa pakuti nsezye myamba. Lelo ndi ntakweti kutemwa, ale pasi vino indi.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

1 Samueli 23:9

Lino Davidi wamanya ukuti Saulo watapanga ukumukoma, anena Abyata simapepo ati, “Ndetele cakuzwala ca efodi.”

1 Samueli 28:6

Auzya Yawe ivyakucita, lelo Yawe atamwaswike mu viloto nanti kupitila muli Ulimu nanti muli yakasema.