Yoane 11:48 - Amazwi Yakwe Leza 2013

⁴⁸ Ndi twamusila umweko, antu yonsi yamamutaila. Ni ntunguluzi zya Ciloma ziliza nu konona Ng'anda ikulu yakwe Leza nga na antu amu luko lwitu.”

Yoane 11:48 ပူးပေါင်းရင်းမြစ်များ

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Mateo 22:9

Yangini mu miseo mukaame ali wensi wino mumazana, aiize ku cimulo ca winga.’

Mateo 24:15

“Mulalola ‘Ca winyi ca ononyi’ cino kasema Danieli wavwanzile, cimilila mu Ng'anda ikulu yakwe Leza.” (Kawelenga ailuke vino ci cikusenula.)

Mateo 27:25

Antu yonsi yavwanga yati, “Lekini mulandu wa mfwa yakwe wii uye panotuli na ana itu.”

Luka 11:52

“Kalanda kunomuli mwe nkonkotela zya Masunde. Mwasunga imfungulo ino ikayula ku kumanya vya pali Leza. Mwemo mweisikulu mwaposiwa ukwingilamo, nga mukalesya yano akwezya ukwingilamo.”

Luka 8:12

Imbezu izyaponile mu nzila, antu yano akauvwa mazwi yakwe Leza. Lelo Ciwa aiiza afumya mazwi yonsi mu myenzo yao, pakuti yatataila nu kutuulwa.

Yoane 1:7

Yoane wizile nga kambone kukupeela umboni pamulandu wa luswepo, kuti yonsi auvwa umboni wakwe yataile mwi landwe lyakwe lya luswepo kwene luu.

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”