Yoane 11:43 - Amazwi Yakwe Leza 2013

⁴³ Pacisila lino wavwanga vii, alaizya ni zwi likulu ati, “Lazalo, fuma.”

Yoane 11:43 ပူးပေါင်းရင်းမြစ်များ

Mako 4:41

Lelo yamangala yatandika nu kuuzyanya yati, “Uzye umuntu wi aweni, wino cipupu na maimbi vyamuyela?”

Yoane 11:42

Nani manyile vino ukanguvwa pe. Lelo pamulandu wi umba lii lino liimi pano navwanga cii kuti yataile vino wewe wantuma.”

Yoane 11:44

Alino Lazalo afuma, ala makasa na maulu yakwe yafufilwe mu nsalu ya mufwe, nga nu ku manso yakwe kwafufilwe ni citambala. Yesu ayanena ati, “Mufupululini nsalu, lekini apite.”

Yoane 12:1

Kwasile sile manda mutanda kufika ku kuzevya Cimulo ca Ucilo, nga Yesu aiiza ku Betaniya kuno Lazalo wikalanga wino wazyukwike kwi zwi lyakwe.

Yoane 12:9

Lino iumba likulu lyuvwa ukuti Yesu ali ku Betaniya, liya kweneko, asi kukulola sile Yesu, lelo kukulola na Lazalo kwene, wino wazyukwike kwi zwi lyakwe Yesu.

Milimo 3:12

Lino Petulo walola antu ayauzya ati, “Mwe ina Izlaeli, uzye pacani mukuzunguka pali vii? Uzye pacani mukutulolekesya kwati mu maka itu nanti ukapepa witu wacilamo vyati vilenga kuti aapita?

Milimo 3:6

Petulo amunena ati, “Ntakweti nanti lupiya lumwi, lelo namakupeela cino nkweti. Mwi zina lyakwe Yesu Klistu uwaku Nazaleti Katuka wapita!”

Milimo 9:34

Petulo amunena ati, “Eneya, Mwene Yesu wakupozya. Katuka wanze musanzi wako.” Lilyo kwene Eneya akatuka.

Milimo 9:40

Lyene Petulo afumya yonsi mu muputule, afukama pansi apepa. Alino aseleukila ku cala ati, “Tabita, katuka!” Lyene Tabita azyuka, nga lino walola Petulo, akatuka.