Yoane 11:42 - Amazwi Yakwe Leza 2013

⁴² Nani manyile vino ukanguvwa pe. Lelo pamulandu wi umba lii lino liimi pano navwanga cii kuti yataile vino wewe wantuma.”

Yoane 11:42 ပူးပေါင်းရင်းမြစ်များ

Mateo 26:53

Uzye ukwelenganya vino nemo ntangandenge kuli Tata, kuti ndakai kwene antumile maumba akulu ikumi na yaili avita vya angeli?

Yoane 11:22

Lelo na ndakai kwene manyile vino consi cino umalenga kuli Leza wene amakupeela.”

Yoane 11:31

Lyene Ayuda yano ali mu ng'anda pamwi na Maliya, ala yakumutekezya, lino yalola vino Maliya wakatuka wacincila nu kufuma, yamulondela. Yene yelenganya vino waya kwi lindi kukulosya.

Yoane 11:43

Pacisila lino wavwanga vii, alaizya ni zwi likulu ati, “Lazalo, fuma.”

Yoane 12:11

pano Ayuda aingi pamulandu wakwe Lazalo yakananga yasimapepo nu kutaila Yesu.

Yoane 12:17

Caleka iumba lino lyali nawe lino wamile Lazalo kuti afume mwi lindi, nga nawe azyukuka, lyaile lipela umboni pali vino vyacitike.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Yoane 17:25

Tata, wewe mololoke! Antu amu nsi yatakumanyile, lelo nemo nakumanya, nga na yaa yamanya vino wewe wantumile.

Yoane 17:8

Nayapile mazwi yano wampile, nga nao yayapokelile. Yamanya vino cacumi nemo nafumile kunuli, nu kutaila vino wewe wantumile.

Yoane 20:31

Lelo vii vyalemvilwe kuti mutaile vino Yesu ali Katuula, Mwana wakwe Leza, nga nu mukutaila munoli muye nu umi wape.

Yoane 3:17

Pano Leza atatumile Mwana wakwe muno nsi kuti aiize apingule amu nsi, lelo kuti atuule umi wao.

Yoane 8:16

Lelo nanti nali nu kupingula, upinguzi wane ungaya uwa cumi, pano nsyacita cii nenga. Tata wino uwantuma ali nani.

Yoane 8:29

Wino uwantuma ali nani. Wene asinsya nenga pano lyonsi nkacita vintu vikamuzanzya.”

Yoane 8:42

Yesu ayanena ati, “Leza ndi a So mu cumi, nga mwantemwa, pano nemo nafuma kuli Leza. Nupya ndakai ndi pano. Ntaizile nenga, lelo aliwe uwantuma.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Galatiya 4:4

Lelo lino nsita yafisile Leza watumile Mwana wakwe, uwizile avyalwa ku mwanaci. Mwana kwene wii wayelanga Masunde yakwe Mose

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

1 Yoane 4:14

Naswe twati tulola, nupya tukupeela umboni vino watumile Mwana wakwe kuti aye ali Katuula wa antu amu nsi.