Yoane 11:27 - Amazwi Yakwe Leza 2013

²⁷ Mata aasuka ati, “Endi Mwene! Nataila vino wewe uli Katuula uwalavilwe, Mwana wakwe Leza, wino malembelo yakati ali nu kwiza.”

Yoane 11:27 ပူးပေါင်းရင်းမြစ်များ

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mateo 11:3

“Uzye wewe uli wino Yoane walanzile ukuti akwiza, nanti tumalolelanga muze?”

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Mateo 16:20

Lyene apeela ilamulo ku alondezi yakwe kuti yatanena umuntu nanti umwi vino wene ali Katuula uwalavilwe.

Luka 2:11

Ilelo kwene mu musumba wakwe Davidi watavyalwa kunomuli Katuula, wino ali a Klistu Mwene.

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

Yoane 4:42

Lyene yanena umwanaci yati, “Ndakai twataila, pasi pa mazwi yano wali wavwanga, lelo pano sweisikulu twati tuyuvwila kunoli, nupya twati tumanya vino wi kwene ali Katuula wa amu nsi.”

Yoane 6:14

Caleka lino antu yalola cilangililo cino Yesu wacita yavwanga yati, “Cumi wii ali kasema wino malembelo yakati ali nu kwiza!”

Yoane 6:69

Naswe twataila nu kumanya vino wewe Wamuzilo nupya wafuma kuli Leza.”

Milimo 8:36

Lino yacili yakupita mu museo, yafika pa cifula apali manzi, nga mutungwi amunena ati, “Amanzi aeya pa. Uzye icani cingandesya kuti mbatiziwe?” [

Milimo 8:37

Filipo nawe aasuka ati, “Ndi wataila nu mwenzo wako onsi ungawatiziwa. Alino nawe aasuka ati nataila vino Yesu Klistu Umwana wakwe Leza.”]

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.