Yoane 11:19 - Amazwi Yakwe Leza 2013

¹⁹ Na antu aingi amu Yudeya izile kuli Mata na Maliya kukuyatekezya pamulandu wa mfwa yakwe kalume wao.

Yoane 11:19 ပူးပေါင်းရင်းမြစ်များ

Utandiko 37:35

Ana yakwe aonsi na anaci yonsi yiiza ku kumutekezya, lelo akana ukutekeziwa avwanga ati, “Awe indi nu kulosya suka imfwe, ndondele umwanane.” Acino atwalilila ukulosya Yosefu umwana wakwe.

2 Samueli 10:2

Umwene Davidi avwanga ati, “Ndinzile ukulanga ucuza uwacumi kuli Hanuni, ndi vino Naasyi, isi wacisile kunondi.” Acino Davidi atuma inkombe zyakwe kuti zikalange ulanda ni cililizi cakwe. Lino yafisile ku mpanga ya ina Amoni,

1 Milandu 10:12

yatuma antu yamwi aposye kuti yakatole icala cakwe Saulo ni vya ana yakwe aonsi. Alino yasenda ivyala vivi ku Yabesyi. Yaya yavizika kuku umwisika ya muti umuoko, nga yata ukulya amanda cinimbali.

Yobo 2:11

Walanga yacuza yakwe yuvwa imikosi iyaponile Yobo, yaya mu kumupempula. Amazina yakwe yacuza yakwe a Elifazi umwina Temani, Bilidadi umwina Syuwa, na Zofali umwina Naamati. Fwandi ali vino yuvwanyile nga yakatuka apakuti yakamupempule nu kumutekezya.

Yobo 42:11

Aina yakwe aonsi na yakaci yakwe yonsi, kumwi na yacuza yakwe ampiti, yiiza uku kumulola, nu kwiza ipakizya pamwi nawe umu ng'anda umwakwe. Ala yakumuvwila ulanda nu kumutekezya umwenzo apa macuzi yonsi yano Yawe wamuletile. Yonsi kwene, cila muntu, asya wamupeela impiya nga ni mbalaminwe yakwe zaabu.

Kasambilizya 7:2

Cazipa ukuya ku ng'anda ya ndosya ukuluta ukuya ku ng'anda ya mateweto, pano antu apuma yalinzile kwiusya ukuti swensi kwene tulafwa.

Ezaya 51:19

Apa mipamba iyo iili ino yakuponile, umwi auwa uwakononekelwa kwa mpanga uku ulwi wa nkondo. Uze nao auwa uwakulola kuno antu yako yakucula ku cipowe. Fwandi kutalolike nanti wenga uwa kukuvwila uluse awe.

Nyimbo zya ndosya 1:16

“Vii, vili vintu vino vilenzile kuti nalosya, nga nu mu minso yane muzile aminsozi. Kusi umwi wakuntekezya, nu wakunkomelezya kwene asipo. Ana yane nayo intete zyatiziyalema pano umwanisi watancimvya.

Nyimbo zya ndosya 1:2

Yano yasiile mwenemo yakulosya uwaca nu wila. Aminsozi yakulukuta sile umu vipa nu kutemukila pa matama yao. Apa antu yonsi yano ayatemilwe, pasi nanti wenga wiyo wakuyamyalalika. Yacuza yao yatiyayasangukila yonsi pyu. Lyene ayayo iyaya anisi yao.

Nyimbo zya ndosya 1:21

“Si ungala uvwe kuteta kwane, kusi uwakuntekezya. Anisi yane yonsi yakuzangila umu ucuzi uno wamponyezya. Ungala ufikilizye zuwa uwanda uwa uno walavile uleke nayo yace yaye vinondi.

Nyimbo zya ndosya 1:9

Ukukowela kwakwe kwalolekanga apaswe. Lelo wene atatailanga ukuti alasyama wakwe vino cili. Ukuwa kwakwe kwali ukwakuzunguka. Kutali nu wakumumyalalika foo. Wene wapapatanga sile kuli Yawe ala akuti, “Sungala ulole ulanda wane, pano anisi yane yatiyancimvya.”

Nyimbo zya ndosya 2:13

Iye mwe Yelusalemu, we musumba uno natemwisya, uzye namalanda cani? Ningakutekezya ntuli? Kutatala kwaya uwacula ndi vii. Ucuzi wako umakulilangako sile ukwaula impela, nga kusi nu upaalilo.

Luka 10:39

Mata wakweti umwina wakwe kaci izina lyakwe a Maliya, uwatenzi pipi ni ngazo zya Mwene, ala akuuvwa kuli vino wasambilizyanga.

Luka 10:42

Lelo cikulondekwa sile cili conga. Maliya watasolola icintu campomvu, nupya citalapokwa kunoli.”

Yoane 1:19

Intunguluzi zya Ciyuda zyamu Yelusalemu zyatumile yasimapepo yamwi na ina Levi kuli Yoane kuti yakamuzye, yati, “Wewe weni?”

Yoane 11:1

Muntu umwi izina lyakwe a Lazalo, walwile. Wene wikalanga ku Betaniya, umuzi uno yakaci yakwe oili Maliya na Mata ikalanga. (

Yoane 11:31

Lyene Ayuda yano ali mu ng'anda pamwi na Maliya, ala yakumutekezya, lino yalola vino Maliya wakatuka wacincila nu kufuma, yamulondela. Yene yelenganya vino waya kwi lindi kukulosya.

Yoane 11:33

Lino Yesu walola ukuti Maliya akulila pamwi na Ayuda kwene amusukilile ala yakulila, auvwa ulanda cuze mu mwenzo.

Yoane 11:36

Ayuda yavwanga yati, “Silolini vino wamutemwa!”

Yoane 11:45

Ayuda aingi yano aizile ku kutandalila Maliya lino yalola cino Yesu wacita yamutaila.

Yoane 11:8

Alondezi yamunena yati, “Kasambilizya, patali papite nsita lino Ayuda yalondanga kukutama na mawe, nga nupya ukulonda kuyako?”

Loma 12:15

Muzange pamwi na yao akuzanga, losyini pamwi na yao akulosya.

2 Kolinto 1:4

Wene akatwazwa mu ntazi zitu zyonsi, pakuti naswe tungaya na maka akwazwa antu yauze yano akweti intazi zya misango yonsi, tula tukuomvya kutekeziwa kuli kumwi kuno twapokelela kufuma kuli Leza.

1 Tesalonika 4:18

Caleka, lyene mwakomelezyanya mu mazwi yaa.

1 Tesalonika 5:11

Acino mwakomelezyanya nu kwazwana, wakwe vino ndakai mukucita.

1 Samueli 31:13

Alino iyatola amafupa yao iyayazika umwisika lya cimuti icikaamwa ukuti tamalisiki mu musumba kwene ulya uwa Yabesyi, nga iyaizilizya ukulya pa manda cinimbali.