Yoane 11:11 - Amazwi Yakwe Leza 2013

¹¹ Lino Yesu wavwanga vii, atwalilila kuyanena ati, “Cuza witu Lazalo watakasula, lelo napita kuti nkamuzyule.”

Yoane 11:11 ပူးပေါင်းရင်းမြစ်များ

2 Yamwene 4:31

Geazi akolela aya alambalika intuwa pa usyu wa mulumendo wilya. Lelo umulumendo wilya kusi kupensya nanti panono. Kutali nanti cakulanga upuma foo. Acino Geazi aswilila mwenemo ku kukomenkanya Elisya nu kumunena ati, “Umulumendo wilya atatutulwike awe.”

2 Milandu 20:7

Uzye usi wewe wazinzile aikazi ya mpanga ii apa manso ya antu yako aina Izlaeli nu kupeela impanga ii ku amu mupanda wakwe Abulaamu cuza wako mpaka umuyayaya?

Kufuma 33:11

Avino Yawe wavwanganga na Mose manso na manso wakwe vino umuntu wensi akavwanga na cuza wakwe. Lyene pacisila cakwe vii Mose aswilila ku nsakwe kuno walafumile. Lelo mulumendo umwi, zina lyakwe Yoswa umwana umonsi wakwe Nuni, wino wali kaazwa wakwe Mose asyala mwi Taalu.

Ezaya 41:8

“Lyene fwandi mwe ina Izlaeli mwe aomvi yane, mwemwe muli mutundu wa antu yano naisolwela ne mweneco. Mwemwe ana yakwe Abulaamu cuza wane.

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Mateo 27:52

Malindi nayo yayulika, nga na antu yakwe Leza aingi, yao afwile mpiti, yazyukuka yaya nu umi.

Mateo 9:24

Lyene avwanga ati, “Fumini! Umukazyana atafwile, lelo watakasula sile.” Lelo yene yamuseka.

Mako 5:39

Aingila mu ng'anda nu kuyuzya ati, “Pacani cino mukwangula nu kupongomoka impooma? Ala umwana atafwile, lelo watakasula sile.”

Yoane 11:10

Lelo umuntu ndi akupita usiku wene angapumika, pano asi mu luswepo.”

Yoane 11:12

Alondezi yati, “Mwene, ndi watakasula amapola.”

Yoane 11:13

Yesu wasenulanga ukuti Lazalo umufwe, lelo yene yelenganya vino akulanda kukasula kwa tulo.

Yoane 11:3

Alino yakaci yakwe yatuma kuli Yesu yati, “Mwene, mukundwe wako watalwala.”

Yoane 3:29

Nawinga uwakwe siwinga, lelo cuza wakwe siwinga wene akaimilila pipi, nu kuvwa kunoli, nupya akazanga cuze lino uvwa izwi lyakwe siwinga. Vii avino nkazanga cuze.

Milimo 7:60

Alino afukama pansi asazinka izwi likulu ati, “Mwene! Utayapeela mulandu pi ifyo lii.” Walanga wavwanga vii, afwa.

1 Kolinto 15:18

Nupya ale yao afwa ataile muli Klistu, yalowa.

1 Kolinto 15:34

Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

1 Kolinto 15:51

Uvwini nkama ino nati namulondolwela. Asi swensi swe muno tulafwa. Lelo lino ntandala yakusyalikizya ilalila, swemo tulasenulwa.

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

1 Tesalonika 5:10

Klistu watufwilile, pakuti tungikala pamwi nawe nanti angala tulaya afwe nanti apuma pa kwiza kwakwe.

Yakobo 2:23

Na malembelo yafikiliziwe yano yakati, “Abulaamu wataile Leza, nga pamulandu wa kutaila kwakwe Leza wamuzumile kuya mololoke.” Vii avino Abulaamu wizile aamwa ukuti a cuza wakwe Leza.