Yoane 10:7 - Amazwi Yakwe Leza 2013

⁷ Nupya Yesu ati, “Cumi namunena vino nemo nene mulyango wakwingililapo mfwele.

Yoane 10:7 ပူးပေါင်းရင်းမြစ်များ

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 79:13

Lyene ale naswe swe antu yako, swe mfwele zyako, tumakuwanzyanya pee, nu kukulumbanya imyaka yonsi ilalondelelapo.

Masamu 95:7

Pano wene ali Leza witu, nupya sweswe yacemwa yakwe, uufyo uno akatungulula. Ilelo mule muvwe ukwi zwi lyakwe!

Ezaya 53:6

Swensi pyu pano twapela, twazeulukanga wa mfwele, swensi twapulupuntanga sile. Yawe nawe ali pakumutwika uyi witu swensi, uno twali nu kuculilamo.

Ezekelo 34:31

“Ala mwemwe mfwele zyane, mwemwe antu yane sile nenga, mwemwe ufyo uno nkacema, nani nene indi Leza winu sile. Ivyalanda ne Yawe Simwandalali.”

Ezekelo 36:38

Antu yalazuula tupu mu misumba iyasiile vitalang'anda, ndi vino umusumba wa Yelusalemu apampiti wazuulanga tupu imfwele, zino yaletanga pakupeela impolelwa apa manda makulu. Ee, alino antu yalasininkizya ukuti nene indi Yawe.”

Yoane 10:1

Yesu avwanga ati, “Cumi namunena vino umuntu asyaingilila pa mulyango wa citata ca mfwele, lelo akakwela nu kwingilila pauze, wene umwivi nupya cipondo.

Yoane 10:9

Nene mulyango! Wino wensi uwingila pali nene, alatuulwa. Wene alingila, alafuma nu kuzana vyakulya.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.