Yoane 10:3 - Amazwi Yakwe Leza 2013

³ Awino na kalolela wa mulyango akayulila. Ni mfwele zyakwe zikauvwa izwi lyakwe lino akuzyama mazina nga nu kuzitungulula kunzi.

Yoane 10:3 ပူးပေါင်းရင်းမြစ်များ

Masamu 80:1

Uvwa kuno wemuno ukacema aina Izlaeli, we muno ukatungulula antu yako wa ufyo wa mfwele. Wemuno wikala apapela yakwe ya kelubi.

Kufuma 33:17

Lyene Yawe anena Mose ati, “Cisuma pamulandu wakuti nakumanya ningo nupya nkazangila munuli, namacita wakwe vino wavwanga.”

Mapinda 27:23

Uwamanya ningo ivyaya imfwele zyako, ulinzile ukusakamala nu ufyo wa ng'ombe zyako.

Lwimbo lwakwe Solomoni 8:13

We mukundwe wane, wemuno wikala mu calo, sileka nuvwe izwi lyako. Anji nayo yakulonda ukuvwa amazwi yako.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Ezaya 42:16

Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.

Yoane 10:14

Nene mucemi musuma. Namanya mfwele zyane nga nazyo zyamanya.

Yoane 10:16

Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.

Yoane 10:4

Lino wafumya mfwele zyakwe zyonsi, azikolelela, nga nazyo zimulondela pano zyamanya izwi lyakwe.

Yoane 10:9

Nene mulyango! Wino wensi uwingila pali nene, alatuulwa. Wene alingila, alafuma nu kuzana vyakulya.

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Yoane 6:45

Yakasema yalemvile yati, ‘Onsi yalasambiliziwa na Leza.’ Wino wensi akauvwa nu kusambilila kuli Tata wene akaiza kunondi.

Loma 8:30

Caleka yano Leza wasolwile, ali yano waama. Na yao yano waama ayano wacita kuya aololoke pa manso yakwe, nga nu kuyapelako lulumbi lwakwe.

1 Kolinto 16:9

Pano kali kasita kasuma ka kuomba incito ikulu nupya ya mpomvu, nanti angala kuli anisi aingi.

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Kolose 4:3

Pa nsita ili imwi kwene naswe kwene mwatupepelako, pakuti Leza atupeele kasita kasuma aka kukosola ilandwe lyakwe ilya nkama yakwe Klistu. Pano uli mulandu uno nemo ndakai nayalilwa mu ng'anda yaminyololo.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Yoane 4:6

Lelo swemo sweswe yakwe Leza. Wino wensi uwamanya Leza wene akauvwa kunotuli. Wino wensi asi wakwe Leza wene asyauvwa kunotuli. Vii avino tungalanda upusano uwaya pakasi ka Mupasi ukalanda icumi nga nu mupasi ukalanda intumpu.

3 Yoane 1:14

Inkupaalila kwiza kulola zuwa, nga alino tulalanzyanya.

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”