Yoane 10:28 - Amazwi Yakwe Leza 2013

²⁸ Nemo nazipela umi wapee nga nazyo zitalalowa. Pasi umuntu alazisompola mwi kasa lyane.

Yoane 10:28 ပူးပေါင်းရင်းမြစ်များ

Yobo 17:9

Antu akailola kwati alio yakacita vyaololoke, yene caluta! Lyene yaya akailola kwati akayele, nayo kwene yatiyacila sile mwenemo.

Masamu 31:5

Nafumbatika umwenzo wane umu makasa yako, sungala untuule we, Yawe, Leza wacumi.

Masamu 37:28

Pano Yawe watemwa ivilungame, nupya asitazyela akwakwe yayo acumi, lelo aipe yene yalalowelela. Ana ya vipondo yalononeka.

Mapinda 24:16

Umuntu musuma nanti angapumikiziwa ni vintu iviipe amaila nyanya, wene alasyala aimi sika. Aipe yene isyamo lilayaponela uyi uyi.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Ezaya 27:3

“Anene sile nkacisunga nu kucikontelela nu mute, usiku nu musanya, pakuti kutaya nanti umwi uwakucivulunganya.

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Ezaya 54:17

Kuu kuli kulanda kwakwe Yawe.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Yelemiya 23:4

Alino ndasonta yakacema yano yalazisakamala nu kuzilisya. Zitalaoopa nanti ukuzakaza foo, nupya patalaponga nanti yonga.” Ivyalanda Yawe.

Yelemiya 31:3

Yawe watulolekile ukutali ati, “Namutemwa citemwiko camuntasila ali cino nemo natwalilila nu kumucitila uluse lyonsi.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

Mako 13:22

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo ni vizungusyo kuti yaponzye na asololwe kwene ndi cingaya.

Luka 23:46

Yesu alaizya ni izwi likulu ati, “Tata, nafumbatika mupasi wane mu makasa yako.” Lyene lino wavwanga cii, afwa.

Yoane 10:29

Tata wino wazimpela waluta onsi. Acino pasi umuntu nanti umwi angazisompola mwi kasa lyakwe Tata.

Yoane 11:25

Yesu ati, “Nene kuzyukuka nu umi. Wino wensi wantaila nanti angafwa alaya nu umi nupya.

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

Yoane 18:9

Wavwanzile cii kuti yafikiliziwe mazwi yano wavwanzile ati, “Muli yao yano wampile, ntaponzya nanti wenga.”)

Yoane 3:36

Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Yoane 6:47

Cumi, namunena nati, wino uwataila munondi wene ali nu umi wape.

Yoane 6:68

Simoni Petulo amwaasuka ati, “Mwene, uzye aweni namuze wino tungayako? Mazwi yako yakapela umi wape.

Milimo 7:59

Alino yatwalilila kutama Sitivini na mawe. Ala akulenga Umwene ati, “Mwene Yesu, pokelela mupasi wane!”

Loma 5:17

Mu cumi kwifya kwa muntu wenga ukwalenga kuti maka ya mfwa yatandike kuteeka antu onsi. Lelo cino Yesu Klistu wacita cilusile pali cii. Antu yonsi akapokelela cikuku cikulu cuze cakwe Leza, nu kucitwa ukuya aololoke pa manso yakwe Leza yalaya nu umi nu kuteeka wa ene pamulandu wa muntu wenga Yesu Klistu.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Loma 5:21

Caleka ndi vino iifyo lyateekanga kupitila mu mfwa, avino ni cikuku cakwe Leza kwene cikayateeka kupitila mu kuyacita kuya aololoke pa manso yakwe Leza, nu kuyatungulula ku umi wape muli Yesu Klistu, Mwene witu.

Loma 5:9

Ndakai twacitwa kuya aololoke pa manso yakwe Leza mu mfwa yakwe Klistu. Caleka kuluta pali cii, alatutuula nu ku ukali wakwe Leza.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Loma 8:1

Ndakai pasi kuvunukwa kuli yano ailundanya kuli Klistu Yesu.

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

Malango 33:3

Yawe watemwa antu yakwe nupya akacingilila akwakwe Acino twafukama pa ngazo zyakwe nu kuyela amasunde yakwe.

Filipi 1:6

Nupya nkusininkizya ukuti Leza, wino uwatandike mulimo usuma uu munomuli, alautwalilila kufika lino alaumala pa Wanda wakwiza kwakwe Klistu Yesu.

2 Tesalonika 2:13

Inane, swemo tulinzile kutaizya Leza insita zyonsi pamulandu winu. Leza wamusolwile kufuma ku utandiko kuti mutuulwe kupitila mu maka a Mupasi Wamuzilo nga na pakutaila kuno mwataila cumi pakuti aleke muye antu yakwe amuzilo.

1 Timoti 1:16

Lelo Leza wali na mizu kunondi pakuti Klistu Yesu alange kuteeka mwenzo kunondi ne kaifya uwaluta onsi, nupya ciye icilangililo kuli yao onsi, yano alataila munoli nu kupokelela umi wape.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

1 Yoane 1:2

Umi uu walolike, nga naswe twauweni. Tukapela umboni wa pa umi kwene uu. Nupya tukumunena vya pa umi wape uno wali na Tata. Wene wasokolwilwe kunotuli.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

1 Yoane 2:25

Klistu umwisikulu nawe watulaya kutupela umi wape.

1 Yoane 5:11

Umboni uu ukati Leza watupeela umi wape, nu umi uu uli mu Mwana wakwe.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

Yuda 1:21

Ikalini mu kutemwa kwakwe Leza. Lolelini Mwene witu Yesu Klistu, nawe alaya na mizu kunomuli nu kumupeela umi wape.

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.