Yoane 10:27 - Amazwi Yakwe Leza 2013

²⁷ Mfwele zyane zikauvwa izwi lyane. Nazimanya nga nazyo zikandondela.

Yoane 10:27 ပူးပေါင်းရင်းမြစ်များ

1 Yamwene 18:21

Eliya pali pakupalamila ku antu yaya yonsi nga ayanena ati, “Uzye alilaci lino mulelenganya vino muli nu kucita? Ndi cakuti Yawe ali Leza winu, fwandi ali wino mwapepa! Lelo ndi cakuti Baali ali leza winu, fwandi ali wino mwapepa!” Lelo antu yatavwanzile nanti izwi lyonga.

Ezaya 66:22

“Pano vino iyulu lipya ni nsi ipya vilayelelela ku maka yane, ali vino umutundu winu kumwi ni zina linu vilayelelela pee.

Mateo 16:24

Lyene Yesu anena alondezi yakwe ati, “Muntu umwi ndi akasi kundondela, aikanye, aisendele ulupanda nga andondele.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mateo 25:12

Lelo nawe ayanena ati, ‘Cumi nemo ntamumanyile.’

Mateo 7:23

Lyene nani ndayanena paswe inti, ‘Ntamumanyile, fumini pano, mwe yakacita ya viipe.’

Mako 10:21

Yesu amulolekesya, amutemwa, nga amunena ati, “Kwasyala cintu conga cino uulizya. Yanga kakazye vyonsi vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”

Mako 8:34

Lyene Yesu aama iumba na alondezi yakwe kunoli. Alino ayanena ati, “Muntu umwi ndi akasi kundondela, aikanye, aisendele ulupanda nga andondele.

Luka 13:27

Lelo nawe alaasuka ati, ‘Ntamanyile kuno mufumile. Fumini pano, mwe yakacita ya viipe.’

Luka 9:23

Lyene anena yonsi ati, “Muntu umwi ndi akasi kundondela, aikanye, aisendele ulupanda manda yonsi nga andondele.

Yoane 10:14

Nene mucemi musuma. Namanya mfwele zyane nga nazyo zyamanya.

Yoane 10:16

Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.

Yoane 10:8

Yauze ankolelile yene aivi nupya vipondo, nga ni mfwele zitayuvwile.

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Yoane 21:22

Yesu amwaasuka ati, “Ndi nkasi kuti alali kufika na lino ndiza, uzye cikupazi? Wemo ndondela.”

Yoane 5:25

Cumi namunena vino, kasita kakwiza, nupya kati kafika, lino afwe yaluvwa izwi lya Mwana wakwe Leza. Lyene yano aluvwa izwi lyakwe yalaya nu umi.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Yoane 8:43

Uzye pacani musyakutezya vino nkuvwanga? Apamulandu wakuti mwaposiwa ukuvwa mazwi yane.

Milimo 3:23

Na wino wensi uwakana ukuvwa kasema wilya alapaatululwa kufuma ku antu yakwe Leza nu kononwa.’

1 Kolinto 8:3

Lelo Leza wene asyatwisika umuntu wino wamutemwa.

Galatiya 4:9

Lelo ndakai mwamanya Leza, nga kuluta pali cii, Leza nawe wamumanya. Uzye lyene mungaswilila uli ku kutekwa uzya ni ntambi zya nsi zisi na muzano nupya zikalenga insonyi?

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Ayebulai 3:7

Caleka, ndi vino Mupasi Wamuzilo akuti, “Ilelo ndi muvwa izwi lyakwe Leza,

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.