Yoane 10:18 - Amazwi Yakwe Leza 2013

¹⁸ Pasi umwi angankoma suka naleka kuti acite cico. Nene indi ni nsambu yakuleka kuti nkomwe nga nupya ningakatuka nje umumi. Ilamulo lii nafumya kuli Tata.”

Yoane 10:18 ပူးပေါင်းရင်းမြစ်များ

Yoane 10:11

“Nene mucemi musuma. Mucemi musuma akapeela umi wakwe pamulandu wa mfwele.

Yoane 10:15

Ndi vino Tata wamanya, nani namanya Tata, nga naipela kufwila mfwele.

Yoane 10:17

“Acino Tata wantemelwa, pano naipela ukufwa kwaula kupatikiziwa, kuti ince nje umumi nupya.

Yoane 14:31

Lelo antu amu nsi yalinzile yamanye vino natemwa Tata. Uli mulandu uno nkacita vyonsi vino wampeela ilamulo kuti ncite. “Katukini, tuini tufume pa ncende ii.”

Yoane 15:10

Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.

Yoane 19:11

Yesu amunena ati, “Utangaya ni nsambu panondi, suka ndi nsambu yapeelwa kunuli kufuma kuli Leza. Caleka wino uwatapela nene kunuli ali ni iifyo likulu kuluta.”

Yoane 5:26

Vino Tata ali ntulo ya umi, avino walenga nu Mwana kwene kuti aye intulo ya umi.

Yoane 5:30

“Nemo ntangacita cimwi mu nsambu yane. Tata wanena vino ningapingula, nu upinguzi wane usi walufyengo pano nsyacita kulonda kwane, suka kulonda kwakwe Tata wino uwantuma.

Yoane 6:38

Pano nika kufuma kwiyulu asi kwiza cita kulonda kwane, lelo kulonda kwakwe wino uwantuma.

Milimo 2:24

Lelo Leza wamusapwile ku kuwaika kwa mfwa, wamuzyukwile kufuma ku afwe, pano imfwa yaposiwe kumucimvya.

Milimo 2:32

Lelo Leza wazyukwile Yesu kufuma ku afwe, naswe sweswe yakambone ya vintu vii.

Milimo 3:15

Mwakomile Umwene wino akapeela umi, lelo Leza wamuzyukwile kufuma ku afwe, nga naswe sweswe yakambone pali cii.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.