Yoane 10:16 - Amazwi Yakwe Leza 2013

¹⁶ Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.

Yoane 10:16 ပူးပေါင်းရင်းမြစ်များ

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Masamu 86:9

Imitundu yonsi ino wapanga imaomokelanga kunuli, uku kupepa nu kukucindika we Yawe,

Kasambilizya 12:11

Imvwango zya antu yamano zyaya wa ntuwa zisongozye zyakwe yakacema ya mfwele zino yakaomvya pakutungulula amaufyo yao. Imvwango zyao zyaya wa nsunga zino yapampamila. Imvwango zizyo zyafuma kuli Leza, kacema witu swensi pakuti wene atutungulula swe antu.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Ezaya 43:6

Nemo ndanena antu aku katutu inti, ‘Yatini.’ Ndapeela ilamulo ku antu aku kayeya inti, ‘Mutayalesya ukuya kweneko.’ Wezini ana yane aonsi ukufuma ku mpanga zya kutali, nga na ana yane anaci yawezini ukufuma ku mpela ya nsi.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ezaya 52:10

Yawe watavimbula ikasa lyakwe lyamuzilo pa manso ya antu ya mitundu yonsi. Alino lyene impela zya nsi zyonsi zilalola ufyusi wakwe Yawe Leza witu.

Ezaya 56:8

Anene ne Yawe navwanga. Nene kwene nemuno nafumizye antu yane aina Izlaeli mu uzya nu kuyawezezya kumwao. Nalaya nu kuti ndakolonganika nayauze kwene pakuti yakize yakaye pali ponga kwene na yano nakolonganika mpiti.

Ezekelo 34:12

Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.

Ezekelo 34:23

Ndakatusya kacema uwa kuziteeka, umuomvi wane Davidi awino alaya akacema waziko nu kuzisunga aliwe alazisunga.

Ezekelo 34:6

Uli mulandu kwene uno ufyo wane ukalulumba sile mpanga yonsi, mu myamba na pa twamba tusanzame. Ali cino zyasansantike mpanga yonsi, ukwaula nanti wenga uwakuti azisakamale nanti kwezya kuzilonda.

Ezekelo 37:22

Ndayuminkanya pamwi apakuti yakaye umutundu sile onga umu mpanga, umu myamba yamu Izlaeli. Yalakwata umwene sile wenga awino alayateeka, kutalaya nupya imitundu iili nu wene wao utalapatukana paili foo.

Ezekelo 37:24

Umuomvi wane Davidi aliwe alaya umwene wao. Yonsi kwene yalateekwa kuli kateeka wenga sile. Yalatontela na masunde yane ukwaula untelengu.

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Luka 15:8

“Nanti mwanaci umwi ndi wali ni mpiya ikumi lelo waponzya longa, uzye akacita uli? Uzye atangakozye lukozyo, apyele ng'anda yakwe, nu kulonda monsi kwene, suka aluzane?

Yoane 10:11

“Nene mucemi musuma. Mucemi musuma akapeela umi wakwe pamulandu wa mfwele.

Yoane 10:2

Lelo umuntu akaingilila pa mulyango, wene mucemi wa mfwele.

Yoane 10:27

Mfwele zyane zikauvwa izwi lyane. Nazimanya nga nazyo zikandondela.

Yoane 10:3

Awino na kalolela wa mulyango akayulila. Ni mfwele zyakwe zikauvwa izwi lyakwe lino akuzyama mazina nga nu kuzitungulula kunzi.

Yoane 10:4

Lino wafumya mfwele zyakwe zyonsi, azikolelela, nga nazyo zimulondela pano zyamanya izwi lyakwe.

Yoane 10:5

Mfwele zisyalondela umuntu muze. Zyene zikautuka umuntu muze pano zitamanya izwi lyakwe.”

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Yoane 17:20

“Ntakupepela sile yaa, lelo na yao alantaila pamulandu wa mazwi yao.

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Milimo 15:14

Simoni watalondolola vino inkolelo Leza watandike kusolola yamwi mu Akulukuwa kuti yaye antu yakwe.

Milimo 18:10

pano indi nawe. Kusi umwi ali na maka ya kukucisa, pano aingi mu musumba uu, antu yane.”

Milimo 22:14

Alino avwanga ati, ‘Leza wa vikolwe vitu watakusola kuti umanye ukulonda kwakwe, nu kulola umuomvi wakwe Umololoke, uuvwe ni zwi lyakwe.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

2 Tesalonika 2:13

Inane, swemo tulinzile kutaizya Leza insita zyonsi pamulandu winu. Leza wamusolwile kufuma ku utandiko kuti mutuulwe kupitila mu maka a Mupasi Wamuzilo nga na pakutaila kuno mwataila cumi pakuti aleke muye antu yakwe amuzilo.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

1 Petulo 2:10

Pa nsita imwi mutali antu yakwe Leza, ndakai mwemwe antu yakwe. Pa nsita imwi mutamanyile uluse lwakwe Leza, lelo ndakai mwati mupokelela uluse lwakwe.

1 Petulo 2:25

Mwemo mwakoline wa mfwele ziponge. Lelo ndakai Leza wamuwezya kuli Kacema nupya Kacingilila winu.

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.