Yoane 10:14 - Amazwi Yakwe Leza 2013

¹⁴ Nene mucemi musuma. Namanya mfwele zyane nga nazyo zyamanya.

Yoane 10:14 ပူးပေါင်းရင်းမြစ်များ

Masamu 1:6

Pano Yawe wasakamala antu akacita vyaololoke, lelo yakaifya yene yalalowelela sile.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

Naumi 1:7

Yawe umusuma, wene akacingilila antu yakwe mu nsita ya ntazi. Aliwe akawaka yao amutaila.

Yoane 10:11

“Nene mucemi musuma. Mucemi musuma akapeela umi wakwe pamulandu wa mfwele.

Yoane 10:13

Wino uwalembwa sile incito wene akautuka pano wene walembwa sile incito nupya asyasakamala mfwele.

Yoane 10:27

Mfwele zyane zikauvwa izwi lyane. Nazimanya nga nazyo zikandondela.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Yoane 17:8

Nayapile mazwi yano wampile, nga nao yayapokelile. Yamanya vino cacumi nemo nafumile kunuli, nu kutaila vino wewe wantumile.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Efeso 1:17

nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

Efeso 3:19

Endi! Nkupepa kuti mwensi mumanye kutemwa kwakwe Klistu nanti angala kwene kwayembesya cakuti kutangapimwa. Lyene umi winu ulazuziwa ni miyele yakwe Leza.

Filipi 3:8

Kusi cintu cingaya nu muzano kuluta kumanya Klistu Yesu Mwene wane. Pamulandu wakwe Klistu nemo nasumba vyonsi kuya wa vikona, kuti muzano wane uye a Klistu

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Umbwilo 2:19

Namanya vino ukacita, nga nu kutemwa kwako, na vino waya uwakutailwa. Namanya kutumikila kwako, na vino ukateeka umwenzo. Namanya ukuti ndakai ukucita ivisuma kuluta vino wacisile pa kutandika.

Umbwilo 2:2

Namanya vino ukacita. Namanya kuomba kuno waombisye nga nu kuteeka umwenzo. Namanya ukuti wemo utangazumilizya yakaifya nga nupya wemo wezizye yao akati yene atumwa lino yasivyo. Lelo wayezya wazana ukuti yene antumpu.

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

Umbwilo 3:1

“Lemba ku ntunguluzi yakwi uvi ku Sadisi uti, “Lii ilandwe kufuma kuli wino uwakwata mipasi cinimbali yakwe Leza nga ni ntanda cinimbali. Namanya vino ukacita na vino antu yakati wewe mumi lelo wewe mufwe!

Umbwilo 3:15

Namanya milimo yako, nu kuti utazuka nanti kukaya. Endi ningatemwa kuti uye umuzuke nanti umukaye!

Umbwilo 3:8

Namanya milimo yako. Nakuyulila mulyango nupya kusi angauyala. Namanya vino maka yako yatavula, lelo ukayela mazwi yane nupya utankana.