Yoane 1:7 - Amazwi Yakwe Leza 2013

⁷ Yoane wizile nga kambone kukupeela umboni pamulandu wa luswepo, kuti yonsi auvwa umboni wakwe yataile mwi landwe lyakwe lya luswepo kwene luu.

Yoane 1:7 ပူးပေါင်းရင်းမြစ်များ

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Yoane 1:12

Lelo yamwi, yano amuzengile nu kutaila munoli, yene wayapile nsambu yakuti yaye ana yakwe Leza.

Yoane 1:15

Yoane wapile umboni pamulandu na aliwe. Wene walaizye ati, “Wii, awino nalandanga inti, ‘Wino akwiza pacisila cane wene umukulu kunduta, pano wene waliko lino nemo ntali mvyalwe.’”

Yoane 1:19

Intunguluzi zya Ciyuda zyamu Yelusalemu zyatumile yasimapepo yamwi na ina Levi kuli Yoane kuti yakamuzye, yati, “Wewe weni?”

Yoane 1:36

Lyene lino walola Yesu akupita pipi, avwanga ati, “Lolini Mwana wa Mfwele wakwe Leza!”

Yoane 1:9

luswepo lwa cumi lukakozya muno nsi pa antu onsi.

Milimo 19:4

Paulo ati, “Uluwatizyo lwakwe Yoane lwali ulwakwe yao azenzukanga. Yoane wanenyile aina Izlaeli ukutaila muli wenga uwali nu kwiza pacisila cakwe, kuli kuti, muli Yesu.”

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.

Efeso 3:9

Nukuleka antu yalole vino kuteyanya kwankama yakwe kulaomba. Leza wino uwaumvile vintu vyonsi walondanga kuti nazwilizye cila muntu kumanya nkama yakwe ino wafisile ku antu amu mikulo yonsi yampiti.

1 Timoti 2:4

wino akalonda umuntu wensi kuti atuulwe nu kumanya cumi.

Tito 2:11

Pano Leza wasokolola cikuku cakwe ca kutuula antu onsi.

2 Petulo 3:9

Leza atazingota pa kucita cino walaya, ndi vino yamwi yakaelenganya. Lelo Wene akateeka mwenzo kunomuli, pamulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.