Yoane 1:50 - Amazwi Yakwe Leza 2013

⁵⁰ Yesu amuuzya ati, “Uzye, wataila pano nakunena vino nali nkuweni mwisika lya musamvu? Ulalola vicitwa vilusile cii.”

Yoane 1:50 ပူးပေါင်းရင်းမြစ်များ

Mateo 13:12

Pano wino wensi akweti wene alapeelwa navyuze, na wino wensi atakweti cimwi nawe alapokwa nu tunono tuno akwelenganya kuti akweti.

Mateo 21:19

Lyene lino walola musamvu uwali umu mbali ya museo, ayako, lelo atazanyileko vizao, suka sile mafwa. Alino aunena ati, “Kufuma ndakai utakaseeke vizao nupya.” Lilyo kwene musamvu uma.

Mateo 25:29

Pano wensi akweti cimwi wene alapeelwa navyuze, nga alakwata vingi kuluta. Lelo wino wensi atakweti cimwi, nawe alapokwa na cino akwelenganya kuti akweti.’

Luka 1:45

Walongo awewe wemuno wataila ukuti vino Mwene wakunenyile vilafikiliziwa!”

Luka 7:9

Lino Yesu uvwa cii, azunguka cuze, aseleuka nga anena iumba lyamulondile ati, “Namunena vino ntatala nalola utailo wakwe uu, nanti mu Izlaeli kwene.”

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

Yoane 1:51

Nupya ayanena ati, “Cumi, namunena vino mulalola iyulu lyalekuka na angeli yakwe Leza yakukwela nu kwika pa Mwana wa Muntu.”

Yoane 11:40

Yesu amuuzya ati, “Uzye ntakunenyile vino ndi wataila umalola lulumbi lwakwe Leza?”

Yoane 20:29

Yesu amunena ati, “Uzye wataila pano wandola? Alongo ayao akataila na lino yataweni.”