Yoane 1:45 - Amazwi Yakwe Leza 2013

⁴⁵ Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Yoane 1:45 ပူးပေါင်းရင်းမြစ်များ

Utandiko 22:18

Na antu amu nko zyonsi zya muno nsi yalanguzya kuti nayo njapolelele wakwe vino natinkupolelela na ana yako pamulandu wa kunjela.”

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Ezaya 4:2

Mu wanda ulya umusambo wakwe Yawe ulalemba, ulacindama nu kulumbanyiziwa. Iviseekwa vya mpanga navyo vilacindama. Vyene vilasansamusya antu apusuka amu Izlaeli.

Ezaya 53:2

Ala Yawe umweneco aliwe walanzile ukuti umuomvi wakwe akulile pa cinso cakwe wa muti uwalemwa apume ndi, pano imisisi ikulepola umusili apakutamba pansi. Atalolekanga umucindame nanti umuyembe, cakuti swemo tumwikeko amano. Atakweti usuma uwakuti swemo twalondelela kweneko.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Zakaliya 6:12

Ukamunene ukuti ne Yawe Wamaka yonsi navwanga nati, ‘Umuntu wino akaamwa ukuti umusambo, wakulilila papo kwene pano ali, nga nu kukuulila Yawe Ng'anda ikulu cipya cipya.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Mateo 10:3

Filipo na Batolomeo. Tomasi na Mateo uwali kasonkisya. Yakobo mwana Alufeo na Tandeo.

Mateo 13:55

Uzye wii asi mwana wakwe kawaza wa mbao? Uzye nyina asi Maliya? Uzye aina yakwe yasi a Yakobo na Yose na Simoni na Yuda?

Mateo 2:23

Alino aya ikala mu musumba wa Nazaleti, kuti cifikiliziwe cino Leza wavwanzile kupitila muli yakasema, ati, “Alaamwa mwikazi uwamu Nazaleti.”

Mateo 21:11

Antu amwi umba yaasuka yati, “Wi ali kasema, Yesu uwaku Nazaleti, ku Galile.”

Mako 14:67

Lino walola Petulo akoota moto, amulolekesya, alino avwanga ati, “Nawe kwene wali pamwi na Yesu uwaku Nazaleti.”

Mako 6:3

Uzye wii, asi akawaza wa mbao, mwana wakwe Maliya? Uzye wii, asi mwina wakwe Yakobo, Yosefu, Yuda, na Simoni? Uzye yakaci yakwe yasiikala kuno mwitu?” Alino yamukana.

Luka 18:37

Nao yamwasuka yati, “Yesu uwaku Nazaleti aliwe akupita.”

Luka 2:4

Yosefu nawe wafumile ku musumba wa Nazaleti mu Galile nu kuya ku Betelemu musumba uwamu Yudeya mu musumba wakwe Davidi. Cino Yosefu wailileko pano wali uwamu mupanda nu uwamu luko lwakwe Davidi.

Luka 2:48

Akwasi yakwe lino yamulola yazunguka cuze, lyene nyina avwanga kunoli ati, “Mwana we, uzye pacani cino wacitila icintu ci kunotuli? Lola so nani twali asakamikwe cuze lino twakulondanga.”

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Luka 3:23

Yesu wali ni myaka makumi yatatu lino watandike kuomba incito yakwe. Antu yelenginye ukuti wene umwana umonsi wakwe Yosefu, wino wali mwana wakwe Heli,

Luka 4:22

Antu yonsi yavwanga visuma vya pali aliwe, nga yazunguka pa mazwi asuma yano wavwanzile. Yavwanga yati, “Uzye wii asi mwana wakwe Yosefu?”

Yoane 1:44

Filipo wali uwaku Betisaida, kuno Andeleya na Petulo ikalanga.

Yoane 12:21

Yaile kuli Filipo (wino uwali uwaku Betisaida ku Galile,) yamunena yati, “Mukwai tukulonda kuti tulole Yesu.”

Yoane 14:8

Filipo amunena ati, “Mwene, tulange So pano cico kwene sile acino tukulonda.”

Yoane 18:5

Nao yaasuka yati, “A Yesu uwaku Nazaleti.” Yesu avwanga ati, “Anene.” Na Yuda kwene wino uwali nu kukoopa Yesu ala aimi nao papa kwene.

Yoane 18:7

Nupya kwene Yesu ayauzya ati, “Mukulonda weni?” Nao yaasuka yati, “A Yesu uwaku Nazaleti.”

Yoane 19:19

Pilato walemvile cimanyisyo nu kucipampamila pa lupanda. Palemvilwepo ukuti “Yesu uwaku Nazaleti, Mwene wa Ayuda.”

Yoane 21:2

Simoni Petulo, Tomasi (wino akaamwa ukuti Didimo), Natanaeli (uwafumile ku Kana, uwaku Galile), yamwana Zebedi aonsi, nga na alondezi yauze yaili, yaa yonsi yali pamwi.

Yoane 6:42

Yavwanga yati, “Uzye wii asi Yesu mwana wakwe Yosefu? Uzye lyene angavwanga uli ati, ‘Nafuma kwiyulu?’”

Yoane 6:5

Lino Yesu wasanzula manso, alola iumba likulu likwiza kunoli, nga auzya Filipo ati, “Uzye aukwi kuno tungakala mikate yakuti antu yaa yalye?”

Yoane 6:7

Filipo nawe amwaasuka ati, “Nanti impiya madenali imyanda iili nazyo kwene zitangakala mikate yakuti antu yaa yonsi yalye!”

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Milimo 22:8

Nuzya inti, ‘Uzye wewe weni Mwene?’ Nawe anena ati, ‘Nene Yesu uwaku Nazaleti, wino ukuzunya.’

Milimo 26:9

“Lelo nani nelenginye ukuti, indi nukwezya na maka yane yonsi ukulwisya izina lyakwe Yesu uwaku Nazaleti.

Milimo 3:6

Petulo amunena ati, “Ntakweti nanti lupiya lumwi, lelo namakupeela cino nkweti. Mwi zina lyakwe Yesu Klistu uwaku Nazaleti Katuka wapita!”