Yoane 1:4 - Amazwi Yakwe Leza 2013

⁴ Wene wali intulo ya umi, nupya umi wakwe wapile luswepo ku antu onsi.

Yoane 1:4 ပူးပေါင်းရင်းမြစ်များ

Masamu 49:6

Lelo antu yaa, yene yasumvile amano yao ukuvyama, yakuitanka sile apa ukama wao.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Ezaya 42:16

Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Mateo 4:16

Antu yano akaikala mu mfinzi, yati yalola luswepo lukulu lwa ufyusi. Na pali yao aikala kwati yali mu mpanga ya mfinzi, yati yalola luswepo lwa ufyusi wakwe Leza.”

Luka 2:32

Ufyusi wako ukoline wa luswepo ku Akulukuwa luno lulaleta ululumbi ku antu yako aina Izlaeli.”

Yoane 11:25

Yesu ati, “Nene kuzyukuka nu umi. Wino wensi wantaila nanti angafwa alaya nu umi nupya.

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Yoane 12:46

Nemo niza wa luswepo lwamu nsi, kuti wino wensi wantaila atakikale mu mfinzi.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 3:19

Luswepo lwiza mu nsi, lelo antu yakacita viipe. Acino yapingulwa pano yatemwisya mfinzi kuluta luswepo.

Yoane 5:21

Pano vino Tata akatutulula afwe nu kuyapela umi, avino nu Mwana kwene akapeela wino akasi umi.

Yoane 5:26

Vino Tata ali ntulo ya umi, avino walenga nu Mwana kwene kuti aye intulo ya umi.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Yoane 9:5

Lino ncili mu nsi, nene luswepo pakasi ka antu amu nsi.”

Milimo 26:23

Yavwanzile ukuti Klistu, Katuula uwalavilwe alinzile kucula nu kuya uwankolelo kuzyukuka kufuma ku mfwa, kuti alete luswepo lwa ufyusi ku Ayuda nu ku Akulukuwa.”

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Kolose 3:4

Umi winu uwa cumi a Klistu nga lino alaloleka, lyene namwe kwene mulaloleka pamwi nawe nu ku kumako kululumbi lwakwe!

1 Yoane 1:1

Twamulembela pali wiyo akaamwa ukuti Izwi likapela umi, wiyo uwaliko kufuma ku utandiko, wino tuvwile, nupya wino twaweni na manso itu. Endi twamulolekisye, nupya twamukumizye ni minwe itu.

1 Yoane 1:2

Umi uu walolike, nga naswe twauweni. Tukapela umboni wa pa umi kwene uu. Nupya tukumunena vya pa umi wape uno wali na Tata. Wene wasokolwilwe kunotuli.

1 Yoane 5:11

Umboni uu ukati Leza watupeela umi wape, nu umi uu uli mu Mwana wakwe.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 22:16

“Ne Yesu natuma mungeli wane kuti alanda vintu vii kunomuli mu mauvi. Nene uwamu mupanda wakwe Davidi. Nene namukokolo.”