Yoane 1:34 - Amazwi Yakwe Leza 2013

³⁴ Nemo nati ndola cicitike, acino nkupeela umboni ndi vino wii ali Mwana wakwe Leza.”

Yoane 1:34 ပူးပေါင်းရင်းမြစ်များ

Masamu 2:7

Caleka umwene wiyo akuti, “Nkuma imbila ino Yawe wanenyile, ati, ‘Wewe uli mwana wane umonsi, Nani ilelo nayaso.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mateo 26:63

Lelo Yesu aya cele. Alino Simapepo Mukulu amunena ati, “Nakunena, Lapa pa manso yakwe Leza umumi, utunene ndi wewe uli Katuula uwalavilwe, Mwana wakwe Leza.”

Mateo 27:40

“We muno ungomoola Ng'anda ikulu yakwe Leza, nu kuikuula mu manda yatatu! Ituule ndi wewe Mwana wakwe Leza! Ika ku lupanda!”

Mateo 27:43

Wene wataila Leza. Ndakai lekini Leza amutuule nda kasi, pano wavwanzile ukuti wene Mwana wakwe Leza.”

Mateo 27:54

Musika wa mpuka ya vita na yano wali nao, alindanga Yesu, yuvwa cilundumusi nu kulola vyonsi vyacitike. Alino yuvwa intete nga yavwanga yati, “Cumi, wene wali Mwana wakwe Leza!”

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Mateo 4:3

Lyene Ciwa aiiza pano wali amunena ati, “Ndi wewe Mwana wakwe Leza, nena mawe yaa yaye mukate.”

Mateo 4:6

Alino amunena ati, “Ndi wewe Mwana wakwe Leza, uiponye pansi, pano calembwa mu malembelo cati, ‘Leza alapeela ilamulo ku angeli yakwe pali wewe nga yalakwanka mu makasa yao, kuti utacinta lwazo lwako pi we.’ ”

Mateo 8:29

Yakomanya Yesu, nga yapunda yati, “Yesu, we Mwana wakwe Leza, uzye ukulonda cani kunotuli? Uzye wati wiza kuno kuti utucuzye lino kasita katali kafike?”

Mako 1:1

Lii lili Landwe Lisuma lya pali Yesu Klistu Mwana wakwe Leza.

Mako 1:11

Ni zwi lifuma mwiyulu liti, “Wewe Mwanane mukundwe, munuli nkuzanga cuze.”

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Luka 3:22

na Mupasi Wamuzilo aikila panoli mu musango wa nkunda. Ni zwi lifuma mwiyulu liti, “Wewe Mwanane mukundwe, munuli nkuzanga cuze.”

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

Yoane 10:30

Nemo na Tata twaya wenga.”

Yoane 10:36

Nemo Tata wansolola nu kuntuma mu nsi. Uzye lyene mungati uli nkuvwanga mazwi ya misuli kuli Leza, pano inavwanga vino nene Mwana wakwe Leza?

Yoane 11:27

Mata aasuka ati, “Endi Mwene! Nataila vino wewe uli Katuula uwalavilwe, Mwana wakwe Leza, wino malembelo yakati ali nu kwiza.”

Yoane 19:7

Iumba nalyo lyasuka liti, “Swemo twakwata isunde litu lino likati alinzile ukufwa, pano wene akuilanda vino Mwana wakwe Leza.”

Yoane 20:28

Tomasi amunena ati, “Mwene wane, Leza wane.”

Yoane 20:31

Lelo vii vyalemvilwe kuti mutaile vino Yesu ali Katuula, Mwana wakwe Leza, nga nu mukutaila munoli muye nu umi wape.

Yoane 6:69

Naswe twataila nu kumanya vino wewe Wamuzilo nupya wafuma kuli Leza.”

Loma 1:4

Lelo muli umuzilo wakwe wa uleza wene wasininkiziwe pa kuzyukuka kufuma ku afwe ukuti wene Mwana wakwe Leza.

2 Kolinto 1:19

Cii, cili vivyo pamulandu wakuti Yesu Klistu Mwana wakwe Leza wene lyonsi kwene waya a “Ee” nupya atatala waya a “Awe”. Wene ali wino Siluvano, Timoti, nga nani twamunenyile pali aliwe.

Ayebulai 7:3

Atamanyika isi nanti nyina, nanti vikolwe vyakwe, atakweti utandiko wa manda yakwe nanti mpelelekezyo ya umi wakwe. Wene akoline wa Mwana wakwe Leza, nupya a simapepo wa manda pe.

1 Yoane 2:23

Pano wino wensi uwakana Mwana ala wene wakana na Tata kwene. Wino wensi uwazumila Mwana ala wene wazumila na Tata kwene.

1 Yoane 3:8

Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.

1 Yoane 4:9

Leza watulanzile kutemwa kwakwe pakutuma Mwana wakwe wenga sile muno nsi, pakuti aliwe atupeele umi.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

2 Yoane 1:9

Muntu asyakulondela usambilizyo wakwe Klistu, nda kapuzya mwenemo wene asi na Leza. Wino wensi akayela usambilizyo wakwe wene ali na Tata nu Mwana kwene.

Umbwilo 2:18

“Lemba ku ntunguluzi yakwi uvi lyaku Tiatila uti, “Lii ilandwe kufuma ku Mwana wakwe Leza, wino amanso yakwe yakaloleka wa cimbilimbili ca moto, nga ni ngazo zyakwe nazyo zikayengesa wa cela cino cazifiwa.