Yoane 1:33 - Amazwi Yakwe Leza 2013

³³ Nemo ntamanyile ukuti ali wikwene. Lelo Leza wino wantumile kuti nawatizya antu na manzi, wanenyile ati, ‘Ulalola Mupasi Wamuzilo akwika nu kwikala panoli. Yesu kwene wii ali wino alawatizya na Mupasi Wamuzilo.’

Yoane 1:33 ပူးပေါင်းရင်းမြစ်များ

Mateo 3:11

Nemo nkumuwatizya na manzi kulanga ukuti mwati muzenzuka, lelo wino akwiza pacisila cane wene uwa maka kunduta. Ntaine kusenda ndyatu zyakwe. Wene alamuwatizya na Mupasi Wamuzilo nu moto.

Luka 3:16

Caleka Yoane anena yonsi ati, “Wino akwiza pacisila cane wene uwa maka kunduta. Ntaine kwinama nu kusapula mikonda ya ndyatu zyakwe. Nemo nkumuwatizya na manzi, lelo wene alamuwatizya na Mupasi Wamuzilo nu moto.

Yoane 1:31

Nani ntamumanyile. Uli mulandu uno niza nkuwatizya na manzi kuti aina Izlaeli yangamumanya.”

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

Yoane 3:5

Yesu aasuka ati, “Cumi, nakunena vino, umuntu ndi atavilwe ku manzi na kuli Mupasi Wamuzilo, wene atangingila mu Wene wakwe Leza.

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

Milimo 1:5

Yoane wawatizyanga na manzi, lelo kwasyala manda yanono lino mwemo mulawatiziwa na Mupasi Wamuzilo.”

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

1 Kolinto 12:13

Mu musango uli onga kwene, swensi kwene, Ayuda nanti Akulukuwa, azya nanti antungwa, twawatiziwe na Mupasi Wamuzilo ali umwi kwene kuti tuye mwili onga. Nupya swensi twapokelela Mupasi Wamuzilo wenga kwene.