Yoane 1:31 - Amazwi Yakwe Leza 2013

³¹ Nani ntamumanyile. Uli mulandu uno niza nkuwatizya na manzi kuti aina Izlaeli yangamumanya.”

Yoane 1:31 ပူးပေါင်းရင်းမြစ်များ

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mateo 3:13

Lyene Yesu afuma mu Galile aiiza ku Yodani, kuti Yoane amuwatizye.

Mateo 3:6

Yene yailongwelanga maifyo yao, nga nawe ayawatizya mu luzi lwa Yodani.

Luka 1:17

Nupya wene alakolelela Mwene, mu kuposya kwa mwenzo nu mu maka wakwe vino kasema Eliya wali. Nupya alakundanya ana na ya isi, nu kusenula yacipote kuti yatandike kulondela inzila zyawololoke, pakuti ateyanyizizye antu ku kwiza kwa Mwene.”

Yoane 1:30

Wii awino nalandanga, inti, ‘Umwi ali nu kwiza. Wene umukulu kunduta, pano wene waliko lino nemo ntali mvyalwe.’

Yoane 1:32

Lyene Yoane apeela umboni ati, “Naweni Mupasi Wamuzilo akwika kufuma kwiyulu mu musango wa nkunda nga aikala panoli.

Yoane 1:33

Nemo ntamanyile ukuti ali wikwene. Lelo Leza wino wantumile kuti nawatizya antu na manzi, wanenyile ati, ‘Ulalola Mupasi Wamuzilo akwika nu kwikala panoli. Yesu kwene wii ali wino alawatizya na Mupasi Wamuzilo.’

Yoane 1:7

Yoane wizile nga kambone kukupeela umboni pamulandu wa luswepo, kuti yonsi auvwa umboni wakwe yataile mwi landwe lyakwe lya luswepo kwene luu.

Milimo 19:4

Paulo ati, “Uluwatizyo lwakwe Yoane lwali ulwakwe yao azenzukanga. Yoane wanenyile aina Izlaeli ukutaila muli wenga uwali nu kwiza pacisila cakwe, kuli kuti, muli Yesu.”