Yoane 1:3 - Amazwi Yakwe Leza 2013

³ Kupitila munoli Leza waumvile vintu vyonsi, kusi nanti cimwi mu uumbo onsi cino citaumvilwe na aliwe.

Yoane 1:3 ပူးပေါင်းရင်းမြစ်များ

Utandiko 1:1

Pa kutandika Leza waumvile iyulu ni nsi.

Utandiko 1:26

Nupya Leza avwanga ati, “Katuumbe umuntu mu cata citu, aye wakwe sweswe. Wene alaangalila inswi, ni vyunyi ivikapapuka, iviteekwa ni nyama zya mpanga, nga ni vikasela vyonsi.”

Masamu 102:25

Awewe waumvile insi apa katalili, na makasa yako alio yapanga iyulu.

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

Mapinda 8:30

Nali umupipi na aliwe, ne ciinda wa milimo. Anene namuzanzyanga cila wanda, ala nkusansamuka panoli.

Ezaya 45:12

Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.

Ezaya 45:18

Pano avino Yawe wavwanga, wiyo uwaumvile amayulu, wene ali Leza uwetetwile nu kupanga insi ya pano pansi. Wene uwaipanzile nupya ataiumbile apakuti mutaya kantu nanti kamwi, lelo kuti iye incende umwakwikala antu. Wene wavwanga wati, “Nene indi Yawe, kutaya namuze awe.

Yoane 1:10

Izwi wali mu nsi, lelo nanti Leza waumvile insi kupitila muli aliwe, amu nsi yene yaposiwa kumumanya.

Yoane 1:2

Kufuma ku utandiko kwene wene wali na Leza.

1 Kolinto 8:6

lelo swemo twakwata Leza wenga sile. Wene ali Tata nga aliwe kwene ali kaumba wa vintu vyonsi, nupya swemo tukamutumikila. Yesu Klistu sile ali Mwene witu. Vintu vyonsi vyaumvilwe na aliwe, nga munoli swemo twapelwa umi.

Efeso 3:9

Nukuleka antu yalole vino kuteyanya kwankama yakwe kulaomba. Leza wino uwaumvile vintu vyonsi walondanga kuti nazwilizye cila muntu kumanya nkama yakwe ino wafisile ku antu amu mikulo yonsi yampiti.

Ayebulai 11:3

Mu utailo amuno twamanya ukuti uumbo onsi waumvilwe kwi zwi lyakwe Leza, cakuti vikaloleka vyacisilwe kufuma mu vintu vino vitangaloleka.

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”