Yoane 1:17 - Amazwi Yakwe Leza 2013

¹⁷ Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Yoane 1:17 ပူးပေါင်းရင်းမြစ်များ

Utandiko 22:18

Na antu amu nko zyonsi zya muno nsi yalanguzya kuti nayo njapolelele wakwe vino natinkupolelela na ana yako pamulandu wa kunjela.”

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Masamu 85:10

Ukutemwa na ucumi vilakomenkana. Uololoke nu mutende vilazengelana.

Masamu 98:3

Wiusya uluse na ucisinka wakwe uku ng'anda yakwe Izlaeli. Imipaka yonsi iya mumo nsi yalola ufyusi wakwe Leza witu.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 18:37

Caleka Pilato amuuzya ati, “Uzye lyene wewe Mwene?” Yesu aasuka ati, “Watuvwanga vino nene Mwene. Navilwe nga nu kwiza mu nsi pamulandu onga sile wakuti ndande pamulandu wa cumi. Wino wensi waya uwa cumi wene akauvwa mazwi yane.”

Yoane 5:45

Mutaelenganya vino ndamulongwela kuli Tata. Apanoli wenga wino alamulongwela, a Mose kwene wino mwapaalilamo.

Yoane 7:19

Uzye Mose atamupiile Masunde yakwe Leza? Lelo muli mwemwe musi nanti wenga akayela Masunde. Uzye pacani mukulonda kunkoma?”

Yoane 8:32

Mulamanya cumi ca pali Leza, nga ni cumi cilamukulula.”

Yoane 9:29

Twamanya vino Leza wavwanzile kuli Mose. Lelo umuntu wii, tutamanyile kuno wafuma!”

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 7:38

Mose kwene wii uwali na aina Izlaeli lino yakongine mu lwanga, nupya uwali ni vikolwe vitu pamwi nu mungeli uwavwanzile nawe pa Mwamba wa Sinai. Wene uwapokelile na mazwi akapeela umi kuti atupele.

Loma 6:14

Iifyo litalinzile kuteeka mwemwe pano mwemo Masunde yakwe Mose yasyamuteeka, lelo mukateekwa ni cikuku cakwe Leza.

2 Kolinto 1:20

Klistu akati, “Ee” ku malayo yakwe Leza onsi. Uli mulandu uno tukavwangila muli Klistu Yesu tuti “Ameni” apa kulumbanya Leza.

Galatiya 3:17

Cino nkusenula cakuti Leza wacisile upangano na Abulaamu nga alaya kufikilizya. Masunde yatangasenula upangano uwo nanti konona ulayo wakwe Leza uno wacisile kulingana pa myaka myanda ini na makumi yatatu lino Masunde yakwe Mose yatali kuti yapelwe.

Malango 33:4

Swemo tukayela amasunde yano Mose watupeezile, yano yaya icuma icikankala ica luko lwitu.

Malango 4:44

Mose wapeezile aina Izlaeli amasunde na masambilizyo yakwe Leza.

Malango 5:1

Mose aama aina Izlaeli yonsi nga ayanena ati, “Mwe ina Izlaeli, si angala muvwe amasunde yonsi yano nemo namamupeela ilelo. Muyasambilile nu kuyayela.

Ayebulai 9:22

Kulingana na Masunde yakwe Mose, vintu vinono sile visiswefiwa nu wazi. Maifyo nayo yasyaelelwa ndu wazi utapongolwilwe.