Yoane 1:13 - Amazwi Yakwe Leza 2013

¹³ Yene yatali ana yakwe Leza kupitila ku kuvyalwa ku akwasi. Lelo Leza umwisikulu uwayalenzile kuya ana yakwe.

Yoane 1:13 ပူးပေါင်းရင်းမြစ်များ

Utandiko 25:22

Lino ana yatacili yavyalwe, yapunkana muze nu muze mu ndilwa, asuka Labeka ailizyanya ati, “Uzye pacani cino icintu cii cikucitikila vii kunondi?” Alino apita ku kupepa kuli Yawe, ku kumuuzya muno ciile.

Utandiko 25:28

Isaki watemilwe Esau wakwe cimwi, pano walyanga inyama ya mpanga ino wakomanga amuletela. Lelo Labeka nawe watemilwe Yakobo.

Utandiko 27:33

Isaki atandika kuzakaza wakwe cimwi nga avwanga ati, “Nga fwandi aweni lyene uwali wakoma inyama nu kuleta kunondi? Natindya lino utali kuti wize. Nalinamupolelela. Caleka upolelelo waya uwakwakwe pe.”

Utandiko 27:4

Wize weleke inyama imwi mu musango uno natemwa, nga undetele ndye. Ndi niza nalya nga nize nkupolelele lino ntacili imfwe.”

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Mateo 3:9

Nupya mutaelenganya ukuti muluutuka kuvunukwa kuno kukwiza, apa kulanda ukuti Abulaamu ali cikolwe cinu. Nkumunena vino Leza angasenula amawe yaa ukuya ana yakwe Abulaamu.

Yoane 3:3

Yesu nawe amunena ati, “Cumi, nakunena vino umuntu ndi atavilwe iila lyakwe ciili atangalola Uwene wakwe Leza.”

1 Kolinto 3:6

Nemo natile imbezu, Apolo nawe azikontelela manzi, lelo Leza aliwe walenzile kuti zikule.

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

Tito 3:5

wene watutuuzile. Citali apamulandu wa vicitwa visuma vino twacita, lelo apamulandu wa mizu yakwe umwisikulu acino watutuulile. Wacisile cii pa kutufula mu maka yakwe Mupasi Wamuzilo, wino uwatulenga kuvyalwa cipya cipya nu kutandika umi upya.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

1 Yoane 3:9

Kusi umwi uwamu ana yakwe Leza akatwalilila kwifya, pano mwata wakwe Leza waya muli aliwe. Leza ali Isi, acino umuntu wiyo atangatwalilila kwifya.

1 Yoane 4:7

Mwe yacuza akundwe, lekini twatemwana pano ukutemwa kukafuma kuli Leza. Wino wensi akatemwa auze wene umwana wakwe Leza nupya wene wamanya Leza.

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

1 Yoane 5:18

Twamanya ukuti kusi umwi uwamu ana yakwe Leza wino angatwalilila kwifya, pano Yesu Mwana wakwe Leza akamusunga. Mwipe wilya atanga yacitila iciipe.

1 Yoane 5:4

pano umwana wakwe Leza wensi angacimvya vyamu nsi. Nupya utailo uno twakwata auno ukatupela ucimvyo pa vintu vyamu nsi.