Yelemiya 9:8 - Amazwi Yakwe Leza 2013

⁸ Indimi zyao zyakolana wa nceto izyaulembe, pasi pakulanda ivya ucenjezi. Apakulanda ku ance yakalanda wakwe yacuza, lelo mukasi ka myenzo yao ala yatiyateyanya vyakuyafutukila.

Yelemiya 9:8 ပူးပေါင်းရင်းမြစ်များ

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 12:3

Yawe angala aputule imilomo kuli yayo yonsi akatumpoka, nu lulimi lwakwe yayo akalanda ivya kuyuvwa.

Masamu 120:3

Uzye Leza alacita cani kuli mwemwe, mwe antu asomvi mwe? Uzye wene alamuvunuka uli?

Masamu 28:3

Utankululula nu kunsendenkanya pamwi na aipe, yakaleta tweo. Yene yakalanda ivya longo uku yauze, lelo ala umu myenzo yao muli ulupato.

Masamu 35:20

Imvwango zyao uku antu atemwa umutende, izya vyongo vyongo sile, nu kulondelezya sile inzila zyonsi umwa kuyatumpwila.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Masamu 57:4

Nemo indi pakasi ka vilyanyi ivikateyamila antu. Amino ya viko yaya wa masumo ni nceto.

Masamu 62:5

Nemo a Leza sile wenga, ali wino nikalilila, nupya ali wino nataila.

Masamu 64:8

Pamulandu wa mazwi yao ali pano nawe alayononela, yonsi yayo alalola kweneko yalakunta sile imitwe.

Mapinda 25:18

Akaimilila umuze umboni waufi, wene akoline ni sumo nanti nu lupanga nanti nu luceto.

Yelemiya 5:26

Umu antu yane mwaya antu aipe yano yakateyamila wakwe yakateya ya vyunyi. Yene yakateya inkose, lelo antu ayano yakalemya.

Yelemiya 5:9

Uzye kwene mwati ntalayavunuka apa vintu vii vyonsi nu kucita icilanduzi pa antu amu luko ululi ndi luu? Ivyalanda ne Yawe.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Yelemiya 9:4

“Umuntu wensi alinzile wasopa cuza wakwe, nga kusi nu wakutaila umwina. Pano cila mwina umucenjezi ku muze ndi vino Yakobo wali. Nga cila wenga akaamba umuze.

Yelemiya 9:5

Yonsi yakatumpwilana sile na auze. Kutaya nanti wenga akalanda vyampomvu, lelo yaelezya sile kulanda vyantumpu. Yene yaipisya cakuti cayaposya nu kuzenzuka.

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.