Yelemiya 9:6 - Amazwi Yakwe Leza 2013

⁶ Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.

Yelemiya 9:6 ပူးပေါင်းရင်းမြစ်များ

Mapinda 1:24

Apakuzana ukuti namwamile namwe mwakana ukuyela, namusinizyanga namwe mwansuuzile,

Mapinda 1:29

Mwasuuzile ukwiluka, mutakasi nu kutontelela Yawe.

Ezaya 1:25

Ndamupezya nemo. Ndamwengulula wakwe vino yakaengulula yamunyela umwi lungu nu kufumya ivikwi vyonsi pyu.

Ezaya 1:3

Ing'ombe zyamanya uwaziteeka, ni mfwalasi zyamanya umulangu muno umutesi waziko akazilisizya. Lelo aina Izlaeli yene yatamanya, antu yane yasitezya nanti kamwi awe.”

Ezaya 4:4

Yawe alafula anaci amu Zioni pa uyi wao. Alasangulula Yelusalemu uku wazi uno yazwisya, uku mupu wakwe sile uwa upinguzi nu wa ononyi.

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Yelemiya 13:10

Antu ya aipe, nupya yene yakakana nu kuyela amazwi yane. Yene yatalama nupya yakomela sile ukwifya. Yakapepa utuluwi, tuleza tuze tuze sile nupya atuno yakatumikila. Ali cino fwandi nayo kwene yalakolana ni nsalu kwene zizyo, zino antu yatange yazizwale nupya.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Yelemiya 5:27

Mu mang'anda yao mwazula ivisampwe kwati ivyamu cinsalanga ca vyunyi. Uli mulandu uno yaya akama nupya yali na maka.

Yelemiya 8:5

Uzye pacani cino antu yaa yamfutatila? Yene yanyinyinda sile ku vyaufi ukwaula kuweluluka.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

1 Kolinto 15:34

Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.