Yelemiya 9:5 - Amazwi Yakwe Leza 2013

⁵ Yonsi yakatumpwilana sile na auze. Kutaya nanti wenga akalanda vyampomvu, lelo yaelezya sile kulanda vyantumpu. Yene yaipisya cakuti cayaposya nu kuzenzuka.

Yelemiya 9:5 ပူးပေါင်းရင်းမြစ်များ

Utandiko 19:11

Lyene yapafuzya antu yonsi ali panzi kuti yatalola mulyango wa ng'anda.

Yobo 11:3

We Yobo, uzye wemo ukwelenganya ukuti antu yangikala cele apa kuwowota kwako? Uzye kutangaya umuntu umwi wakukukanya lino ukusyenteka antu?

Yobo 15:5

Uyi wako uwalenga kuti vyonsi vivyo vivwangwe, nu kusampula sile imvwango zya ucenjezi.

Masamu 140:3

Yasongola indimi zyao wa nzoka, yakwata usungu umu tunwa twao wa nondo.

Masamu 50:19

Ala mwemo utulomo twinu, tukatotola sile iviipe. Nupya musiiuvwa ni nsonyi apa kutumpoka ufi.

Masamu 52:3

Wemo watemwa iviipe ukuluta ivisuma, watemwa intumpu ukuluta kulanda icumi.

Masamu 64:3

Indimi zyao zyala zyononeka, zyanyolwa wa vipanga. Na mazwi yao aipe yakapontomoka nu kuyavwinta wa nceto.

Masamu 7:14

Umuntu mwipe wene akaelenganya sile iviipe. Akapanga ukuleta ivyongo nu kwikalila sile ukutumpoka.

Mapinda 12:5

Amelengwe ya muntu musuma yaya alungamane, lelo amelengwe ya muntu mwipe yene antumpu.

Mapinda 4:16

Pano yene pakulala utulo, suka yatala yaifya. Yasilola utulo suka sile yatala yacitapo cimwi iciipe uku muntu.

Ezaya 5:18

Kalanda kunomuli mwemuno mwasyala akasiki uku kwifya.

Ezaya 57:10

Nanti angala mukatonta uli apakulondelezya utuluwi, mutange mutale mutonte foo. Mwemo mukalola ukuti utuluwi kwene tuto, tuleza twinu utwipisye tulamupeela amaka, nupya aici nu ukasu kwene mutakwata.

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Yelemiya 12:6

Ala na anyonko kwene amu lupwa lwako nayo yalakutazyela. Yene yaluminkana ni umba ililiza ku kukulwisya. Acino fwandi utayalondelezya nanti angala yakuvwanga amazwi yakwe ucuza.”

Yelemiya 13:23

Uzye umwina Kusyi angasenula inkanda yakwe? Nanti uzye inangu ingasenula amaala yakweyo? Ndi cingaya vivyo ale lyene namwe kwene mwemuno mwikalila ukucita vya winyi mungata ukucita iviipe mutandike nu kucita visuma.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 51:58

Yawe Wamaka yonsi wavwanga wati, “Ilinga lyakwe Babiloni lyamutika, lilaongoloka mpaka na pansi. Ni mpongolo zyakwe izitumpuke zilapya nu moto. Acino fwandi umulimo wa maka ya mitundu, uwakuicuzya sile. Amaka ya mitundu yapelela sile mu cininkwa ca moto.”

Yelemiya 51:64

Uvwange nu kuti, ‘Ali vino Babiloni alalowa. Atalatala nupya azyuke kwi syamo lino ndamuletela.’ ” Apa pelela amazwi yakwe Yelemiya.

Yelemiya 7:28

Caleka kayanene uti, ‘Luu luli luko luno lutayela Yawe Leza wao, luno lutazumile ukusundwa pa kuvunukwa kwakwelo. Cumi calowa, cisilandwa nanti ukulandwa.’”

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Yelemiya 9:8

Indimi zyao zyakolana wa nceto izyaulembe, pasi pakulanda ivya ucenjezi. Apakulanda ku ance yakalanda wakwe yacuza, lelo mukasi ka myenzo yao ala yatiyateyanya vyakuyafutukila.

Ezekelo 24:12

Lelo kwene ingalawa zisikusililikila zyonsi api ziko foo.

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Mika 6:3

Yawe akuti, “Mwe antu yane, uzye icani cino namucita? Uzye namusakamika uli? Njasukini!

Habakuku 2:13

Antu yano mwacimvizye iyatovoka pamulandu wa milimo ya mulaza uwasilesile. Na vyonsi vino yatukuta vyati vipya nu moto. Antu amitundu yonsi yakwazya sile amaka yao. Vii ivicitwa vyakwe Yawe.

Malaki 2:10

Uzye swensi kwene tata asi ali wenga kwene? Uzye asi a Leza ali umwi kwene uwatuumvile? Uzye lyene apacani cino tusifikilizya upangano wakwe Yawe ni vikolwe vitu apa kuntaya acumi, cila muntu ku muze?

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Yakapingula 2:10

Lino antu amu mukulo ulya yafwa yonsi, inkulo iyalondelile penepo yilile Yawe na vyonsi vino Yawe wacitile aina Izlaeli.