Yelemiya 9:4 - Amazwi Yakwe Leza 2013

⁴ “Umuntu wensi alinzile wasopa cuza wakwe, nga kusi nu wakutaila umwina. Pano cila mwina umucenjezi ku muze ndi vino Yakobo wali. Nga cila wenga akaamba umuze.

Yelemiya 9:4 ပူးပေါင်းရင်းမြစ်များ

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Masamu 101:5

Umuntu akaamba umuze umu umfisolo nemo ndamuvunuka. Wemo ukalolekesya ni misuuli umuntu uwavilumba, nemo nsilonda ukwikala pamwi na aliwe nanti panono.

Masamu 15:3

Awiyo wino ululimi lwakwe lusitumpoka, wiyo asicita iviipe uku muze nanti ukuletela umuze umuzewanya.

Mapinda 10:18

Umuntu akafisa ulupato lwakwe uwantumpu, lelo uwa lwambo wene iciwelewele.

Mapinda 25:18

Akaimilila umuze umboni waufi, wene akoline ni sumo nanti nu lupanga nanti nu luceto.

Mapinda 4:16

Pano yene pakulala utulo, suka yatala yaifya. Yasilola utulo suka sile yatala yacitapo cimwi iciipe uku muntu.

Mapinda 4:17

Pano yene icakulya cao ukuulungana na ukaleta nzololo. Ni cakumwa cao, ukakasi.

Mapinda 6:16

Kwaya ivintu mutanda vino Yawe wapata, ivintu cinimbali vino umwenzo wakwe wapatisya.

Mapinda 6:19

kambone waufi akalanda ivya ntumpu, nga nu muntu wino akasongelekanya akundwe.

Ezaya 59:13

Swemo twakusangukila we Yawe, twafumya amano kunuli, twakana nu kukulondela wewe we Leza witu. Swemo tukacuzya antu yauze nu kukusangukila. Vino swemo tukaelenganya ivyaufi sile.

Ezaya 9:16

Intunguluzi zya mwata ndi uo zyaponga, zyafuma umu nzila. Na yano yakatungulula nayo kwene yakuponziwa kumwi.

Yelemiya 12:6

Ala na anyonko kwene amu lupwa lwako nayo yalakutazyela. Yene yaluminkana ni umba ililiza ku kukulwisya. Acino fwandi utayalondelezya nanti angala yakuvwanga amazwi yakwe ucuza.”

Yelemiya 6:28

Yonsi pyu acisanguka atalame wakwe cimwi, nupya yakapitana sile nu kukwakwanya. Yakoma imyenzo wa mukuwa ni cela. Yonsi pyu yakacita iviipe.

Yelemiya 9:8

Indimi zyao zyakolana wa nceto izyaulembe, pasi pakulanda ivya ucenjezi. Apakulanda ku ance yakalanda wakwe yacuza, lelo mukasi ka myenzo yao ala yatiyateyanya vyakuyafutukila.

Ezekelo 22:9

Antu yako yamwi yakatumpwila auze pakuti yayakome. Yamwi nayo yakalya impolelwa izikatuulilwa utuluwi mu ncende zino yakapepelamo mu myamba. Yamwi yakacina iviila vitazifile lyonsi sile.

Aina Levi 19:16

Utapitanapitana ku na ku kukusalanganya ufi pakasi ka mutundu wako. Utacita icintu icili consi cino cingaleta uzanzo ku umi wa mwinipamba wako. Nene Yawe.

Malaki 2:10

Uzye swensi kwene tata asi ali wenga kwene? Uzye asi a Leza ali umwi kwene uwatuumvile? Uzye lyene apacani cino tusifikilizya upangano wakwe Yawe ni vikolwe vitu apa kuntaya acumi, cila muntu ku muze?

Mateo 10:17

Lelo mucenjele na antu, pano yalamutwala ku vilye vya milandu, nupya yalamuma ivikoti mu mang'anda ya mapepo.

Mateo 10:21

Antu yalakoopa aina yao aonsi kuti yakomwe. Mu musango uli onga na yaisi yalakoopa ana yao. Ana yalakatukila akwasi yao nu kuyakomisya.

Luka 21:16

Akwasi inu, aina inu, akazi kinu na yacuza inu kwene, yalamukoopa, nga nu kukoma yamwi munomuli.

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.