Yelemiya 9:3 - Amazwi Yakwe Leza 2013

³ Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Yelemiya 9:3 ပူးပေါင်းရင်းမြစ်များ

Utandiko 39:16

Lyene umuci wakwe Potifa asunga ikoti kufika lino umusambazi wakwe Yosefu wawezile.

Mapinda 12:5

Amelengwe ya muntu musuma yaya alungamane, lelo amelengwe ya muntu mwipe yene antumpu.

Ezaya 1:3

Ing'ombe zyamanya uwaziteeka, ni mfwalasi zyamanya umulangu muno umutesi waziko akazilisizya. Lelo aina Izlaeli yene yatamanya, antu yane yasitezya nanti kamwi awe.”

Ezaya 3:5

Antu yalacuzyanya, umwina nu mwina, umwinipamba wenga nu muze. Ana yanono yalakatukila aikolo. Iviwelewele vya antu vilasangukila yasimucindikwa.

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Ezaya 9:18

Ala umu cumi uyi ukapya wa lupya. Wene ukaoca imyunga na yankololwe. Ukawayola umutengo wa matesi ni cimbilimbili ca vyunsi icifutumukila nu mwiyulu.

Yelemiya 12:6

Ala na anyonko kwene amu lupwa lwako nayo yalakutazyela. Yene yaluminkana ni umba ililiza ku kukulwisya. Acino fwandi utayalondelezya nanti angala yakuvwanga amazwi yakwe ucuza.”

Yelemiya 22:16

Wene waputwilanga apina imilandu kumwi na aulilwa, acino wali nu longo muli vyonsi. Uzye vivyo asi ali kumanya nene? Ivyalanda Yawe.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 5:4

Lyene nani nelenganya inti, ‘Antu yaa apina sile. Yene awelewele. Pano yatamanyile vino Leza akalonda, na vino wene akasi kuti yacita.

Yelemiya 5:5

Acino namaya ku ntunguluzi kuti nkazilandile. Cumi kwene zyene zimanyile inzila zyakwe Yawe, na vino wene akalonda kuti zyacita.’ ”

Yelemiya 6:28

Yonsi pyu acisanguka atalame wakwe cimwi, nupya yakapitana sile nu kukwakwanya. Yakoma imyenzo wa mukuwa ni cela. Yonsi pyu yakacita iviipe.

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Yelemiya 9:5

Yonsi yakatumpwilana sile na auze. Kutaya nanti wenga akalanda vyampomvu, lelo yaelezya sile kulanda vyantumpu. Yene yaipisya cakuti cayaposya nu kuzenzuka.

Yelemiya 9:8

Indimi zyao zyakolana wa nceto izyaulembe, pasi pakulanda ivya ucenjezi. Apakulanda ku ance yakalanda wakwe yacuza, lelo mukasi ka myenzo yao ala yatiyateyanya vyakuyafutukila.

Ezekelo 8:13

Anena ati, “Wasya ulole ivintu navyuze ivisi namicitile, vino yakacita ivilusilepo napali vii.”

Danieli 11:27

Lyene yamwene yalya yaili yalikala nu kulya icakulya pamwi, lelo amalango yao yalaya aipe, nupya yalasombana. Yene yatalakwata cino yakulonda, pamulandu wakuti insita yakweco itatala yafika.

Aina Levi 19:11

“Mutaiya nanti kusomba nanti kutumpoka.

Mako 8:38

Muntu ndi waya ni nsonyi pali nene na pa mazwi yane mu mukulo uu uwa uzelele nu wankota, Mwana wa Muntu alaya ni nsonyi panoli lino aliza pali pamwi na angeli yamuzilo, mu lulumbi lwakwe Isi.”

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Milimo 24:9

Ayuda yazumilizya, yalanda ukuti vii vyonsi ivya cumi.

Loma 1:16

Pano nsi na nsonyi zya pi Landwe Lisuma, pano ali maka yakwe Leza akutuula wino wensi wataila, nkolelo ku Ayuda, nga nu ku Akulukuwa.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Loma 3:13

Milomo yao yakolana wi lindi lili casi. Indimi zyao zikavwanga ivyaufi pa milomo yao pakafuma ulembe ngati uwakwe cipili.

1 Kolinto 15:34

Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

Filipi 1:28

Mutoopa anisi inu lelo mwaposya lino mwalolenkana nao. Kuposya kwinu kulayalanga ukuti yene yalononwa, nga nu kumulanga ukuti mwemo mulatuulwa. Leza alalenga vii vyonsi vicitike,

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.

Umbwilo 12:11

Aina itu yamucimvizye ku wazi wa Mwana wa mfwele, nu ku mazwi ya umboni uno yapile. Yene yaipezile cuze cakuti yatoopanga nanti kufwa.

Yakapingula 14:17

Lelo umukazyana wilya alu kumulilila pa manda cinimbali ya cimulo. Acino pa wanda uwalenga cinimbali asuka amunena, pamulandu wakuti wamupamvizye sana. Alino umukazyana wilya aya anena aina Filisti muno kacole kalozile.

Yakapingula 2:10

Lino antu amu mukulo ulya yafwa yonsi, inkulo iyalondelile penepo yilile Yawe na vyonsi vino Yawe wacitile aina Izlaeli.

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.