Yelemiya 9:11 - Amazwi Yakwe Leza 2013

¹¹ Yawe nawe avwanga ati, “Umusumba wa Yelusalemu namausangula amatongwa. Umaya uwikalo wakwe yankusa. Imisumba yamu Yuda ilaya wa lwanga, incende umusiikala umuntu nanti wenga.”

Yelemiya 9:11 ပူးပေါင်းရင်းမြစ်များ

Neemiya 4:2

Avwanga na pa manso ya antu yano wali nayo, nga na pa manso ya vita vya ina Samaliya ati, “Icani cino Ayuda yakucita, antu yaa atakwata na maka? Uzye yalapeela impolelwa? Uzye cikulanga ukuti yamamalila uku kuululula ilinga lii mu wanda onga? Uzye yakupaalila ukuti yamatukulula amawe yano yatulumine umu mitumba kumwi ni njelwa izyoce, viye vino vyali?”

Masamu 107:43

Uwa mano lekini asambilile cico, nu kwiluka kailuke apa kutemwa kwakwe Yawe ukwa muntaputuka.

Masamu 44:19

Lelo wemo watutusumba sile, twatitwikala umu mapoli umwikala ivilyanyi. Watusumba umu kanda umufitisye wakwe cimwi.

Masamu 79:1

Iye mwe Leza! Ainamasi yawililila impanga ya antu yako! Yatiyakowezya ni ng'anda yako iya muzilo, yatiyaongolola nu musumba wa Yelusalemu.

Ezaya 13:22

Yacimbwi ayano yalatonkomala umu mpungu, na yankusa nayo umu masano. Ala insita iliiza, nupya yatipalamila isikulengela foo.”

Ezaya 25:2

Pano wemo wasenula umusumba ukuya umutumba wa mawe, umusumba ulya uno wali ni linga wausenula waya ivitotela. Utalatala ukuulwe nupya.

Ezaya 34:13

Umu masano monsi mulamelelwa imyunga, yalwenya na yankololwe. Mulasanguka icifulo cakwe yankusa, nu wikalo wakwe yasinsimwe.

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Yelemiya 1:15

Pano nasya mpunde imitundu yonsi ino ikateekwa kuli yamwene aku kayeya. Yaliza yonsi pyu. Nacila wenga aliza aike icilimba cakwe ca wene apa mpongolo zyakwe Yelusalemu, na pa malinga yonsi yano yauzinguluka. Alino nu kunzi ya misumba yonsi yakwe Yuda.

Yelemiya 10:22

Uvwini kuno! Malamulo asuma yiza! Icongo cikalamba cuvwika ukufuma ku katutu! Ivita vyakweco vilasangula imisumba yaku Yuda iye ulwanga, iye uwikalo wakwe yankusa.”

Yelemiya 16:10

“Lino ulanena umutundu uu amazwi yaa yonsi, nayo yalakuuzya yati, ‘Uzye pacani cino Yawe watusowelela ulanda utaikulila vii? Uzye umulandu cii uno twacita. Uzye uyi cii uno twacita kuli Yawe Leza witu?’

Yelemiya 25:11

Impanga yonsi ii, imasyala sile ulwanga, cakuti yauze ndi yalolekesya, awe pasi pantete. Antu yonsi yalaombela umwene waku Babiloni apa myaka amakumi cinimbali.

Yelemiya 25:18

Yelusalemu ni misumba yaku Yuda, yamwene yao ni vilolo vyao, apakuti ice isanguke ulwanga nu kononeka. Ikawelwe nu kutipwilwa ndi vino caya nu mwilelo kwene.

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Yelemiya 26:9

Uzye pacani cino wasemela mwi zina lyakwe Yawe ukuti Ng'anda ino ikulu yakwe Leza ilaya waku Syilo, nu musumba uu ulasanguka wa lwanga umutanga mwikale umuntu?” Lyene antu yonsi yaunganila Yelemiya.

Yelemiya 34:22

Yawe wavwanga wati, “Namapeela ilamulo lya kuyawezezya uku musumba uu, yaulwisye yaupoke nu kuoca. Namasangula ni misumba yakwe Yuda ukuya ulwanga, umutange mwikale umulawa.”

Yelemiya 4:27

Pano avino Yawe watavwanga ati, “Impanga yonsi ilononwa, lelo ntalayonona pyu.

Yelemiya 44:2

Yawe Wamaka yonsi, Leza wa ina Izlaeli wavwanga wati, “Mwalola mpiti ulanda onsi uno naletile Yelusalemu ni misumba yonsi yakwe Yuda, pali ndakai ivitala ng'anda umu siikala antu.

Yelemiya 49:33

Hazoli alasanguka incende yakwe yankusa, ulwanga lwa pee. Mutalatala mwikale umuntu nanti wenga. Kusi nupya nanti wenga wino alakuula mu cifulo cao.”

Yelemiya 50:3

Pasi pano ku lusansa lwaku kayeya kwafuma umutundu wakumulwisya, casangula ni mpanga yakwe ulwangwa. Mutalatala nupya muce mwikale umuntu. Antu ni nyama vyativyutukamo, ivipita.”

Yelemiya 51:37

Alino lyene umusumba wa Babiloni ulasanguka itongwa umulaikala sile yankusa. Antu yalati yalolekesya, iciyaputula ni misana. Mutalikala umuntu nanti wenga na yano yalalola vino caya yalazunguka.

Yelemiya 8:22

Uzye mu mpanga ya Gileadi umulembo wasila? Uzye mutaya sing'anga nanti wenga sile? Uzye pacani fwandi cino antu yane yatapoziwa?

Nyimbo zya ndosya 1:4

Kusi nanti wenga wino akuya nupya ku Ng'anda ikulu yakwe Leza ku kupepa umu manda amuzilo. Akazyana yano iimbilanga inyimbo pasi pakucula. Yasimapepo nao yakuteta. Impongolo zya musumba zili pwanku. Icumi kwene Zioni ali umu ucuzi.

Nyimbo zya ndosya 2:2

Ukwaula nu kuvwa uluse, Yawe wataonona imisumba yonsi yamu mpanga yakwe Yakobo. Cipyu cipyu, wene wataonona amalinga yano yacingililanga impanga. Watalenga nu kuti uteko uzewane kumwi na yakateeka yamwenemo.

Nyimbo zya ndosya 3:47

Icoopo ni vyakutufwanta pansi vyativitutangalila, pamwi nu ononesi ni lovyo kwene.

Aina Levi 26:32

Ndonona impanga inu yonsi pyu cakuti anisi inu yano yalikalamo cilayapezya amano pamulandu wa ononyi.

Mika 1:6

Caleka Yawe akuti, “Ndonona Samaliya wiyo, mpaka aye itongwa, umwakulema amatingi. Amawe yakwe ndayafumfumwila mu cifoloma, nu kufukula imifula yakwe.

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.

Mika 6:16

Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.

Umbwilo 18:2

Wene apunda ni zwi likulu ati, “Watawa! Babiloni mukulu watawa! Ndakai wene wataya uwikalo wa mipasi yankota, nupya citotela cakupuzamo mipasi yonsi ikowele ni vyunyi vyonsi vikowele ni vyapatikwa.