Yelemiya 8:20 - Amazwi Yakwe Leza 2013

²⁰ Antu nayo ali pakutaizya iyati, “Ala insita yakuzombwelapo ivyakulya yatipitingana, icisanya naco caticisila. Lelo swemo tutatala twapusuka, awe.”

Yelemiya 8:20 ပူးပေါင်းရင်းမြစ်များ

Mapinda 10:5

Umwana uwatemwa ukuzombola pa nsita ya mwela ali mwana wa mano, lelo wiyo uwatemwa kulala mu nsita ya uzombozi wene akaleta ukupupana.

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Yelemiya 8:21

Lyene nemo ne Yelemiya ala cikumbaya wakwe cimwi ku mwenzo pamulandu wakuti antu yane yaculisya. Nemo nkulosya, caticimputula nu musana.

Luka 13:25

Mwine wa ng'anda alakatuka nu kuyali cisasa. Lyene mulimilila panzi nu kutandika kukonkonsya ku cisasa nu kuti, ‘Mwene, tuyulileko!’ Nawe alaasuka ati, ‘Ntamanyile kuno mufumile.’

Luka 19:44

Yalakuwisya pansi nu konona antu yano aikala mwenemo. Nupya yatalasya iwe pa lyuze, pano utilwike kasita kakwiza kwakwe Leza kuti akutuule.”