Yelemiya 7:5 - Amazwi Yakwe Leza 2013

⁵ “‘Mucumi ndi cakuti mwasenula imiyele inu ya wikazi nga ni vicitwa vinu vino mukucita, nu kusakamala ukukana fyengana,

Yelemiya 7:5 ပူးပေါင်းရင်းမြစ်များ

Ezaya 1:19

Ndi cakuti mwala mwantontelela sile, mumailyokezyanga ivisuma vino umusili ukamezya.

Ezaya 16:3

Yanena antu aku Yuda yati, “Situneni ivyakucita. Tucingililini wa muti uno ukusapalalika icisao icizuke, umu cipuki ci lanzi umutwe pakasi. Lekini tuwe munomuli. Sweswe mbutusi, ala tufisini muno umuntu nanti umwi atange atuzane.

Yelemiya 21:12

Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

Yelemiya 22:15

Uzye ukuvulilwa imikelide cakulenga ukuya umwene uwaluta antu yauze? Uzye so atailyokizye vyakulya ni vyakumwa? Wene wacitanga ivisuma ni vyaulungi. Caleka wali nu longo muli vyonsi.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Yelemiya 26:13

Ali cino fwandi mwemo zifini sile inzila zinu ziipe, muvwe amazwi yakwe Yawe Leza winu, alino nawe amaelenganyapo akane nu kumuponyezya isyamo lino watasowela panomuli.

Yelemiya 7:3

Yawe Wamaka yonsi, Leza wa ina Izlaeli, akuti, “Senulini imiyele inu ya wikazi nga ni vicitwa vinu vino mukucita, nga nani namazumilizya kuti mutwalilile ukwikala mu ncende ii.”

Ezekelo 18:17

akafuntusya minwe yakwe ku viipe, asilonkelamo muli vino wazimisya, asipoka nsonse, lelo wene akalondela ivipope vyane nu kuwaka amasunde yane yonsi, umwana wiyo atalafwa foo pa maifyo yakwe isi, lelo alaya nu umi.

Ezekelo 18:5

“Umuntu uwakaele akalondela amasunde yane, akacita ni vyaololoke.

Ezekelo 18:8

Asiliila muli vino wazimisya, asipoka nsonse, akafuntusya iminwe yakwe ku viipe, akapingwila na antu mu ulungi.

Aina Levi 25:17

Mutasombana, lelo mwaoopa Leza winu. Nene indi Yawe Leza winu.

Zakaliya 7:7

Uzye amazwi yaa yasi yano Yawe wavwanzile ukukanwa kakwe yakasema ampiti, lino antu yikalanga umutende mu Yelusalemu nu mu misumba yamu mbali, lino mu Negebu nu mu mpanga ya misana ya twamba twaku uwondaka mwali antu?”

Yakapingula 21:12

Apakasi ka ikazi yaku Yabesyi Gileadi yazanyile akazyana imyanda ini yano yatatala yamanya umonsi nanti wenga, nga iyayaleta ku nkambi yaku Syilo ku Kenani.

Yakapingula 5:1

Uwanda ulya Debola na Balaki umwana wakwe Abinoamu yimvile ulwimbo luu: