Yelemiya 7:4 - Amazwi Yakwe Leza 2013

⁴ Tiini ukutaila mu mazwi yalya ausomvi nu kuvwanga muti, “Sweswe yacingililwe! Ii, ili Ng'anda ikulu yakwe Leza, ii ili Ng'anda ikulu yakwe Leza, ii ili Ng'anda ikulu yakwe Leza!”

Yelemiya 7:4 ပူးပေါင်းရင်းမြစ်များ

1 Yamwene 9:7

lyene ndasukula aina Izlaeli mu mpanga ino nayapeela. Ndafuma nu mu Ng'anda ikulu kwene ii ino natimpolelela ukuya iya kumpepelamo. Alino na antu mpanga yonsi yalamusuula mwemwe mwe ina Izlaeli. Yalamulola azewane.

Ezaya 48:2

Pano kwene mukayama mweisikulu ukuti mwemwe ikazi amu musumba wamuzilo. Nu kutaila sana muli Leza wakwe Izlaeli, wino izina lyakwe a Yawe Wamaka yonsi.

Ezaya 59:4

Mwemo nanti mwaya ku vilye vya milandu, imilandu ino mukalolwela auzo iyalufyengo sile. Mwakomela sile ukusomba ufi apakuti mwemwe icilye camuyela. Mukaya kweneko ala mwatimupanga umwakufyengelekezya auzo.

Ezaya 66:1

Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?

Yelemiya 28:15

Kasema Yelemiya ali pakuya kuli Hananiya nu kumunena ati, “We yame! Ala Yawe asi awino wakutuma foo, nupya waleka antu yataila vyaufi kunuli.

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Yelemiya 29:31

“Tumila azya yonsi amazwi yano yakumile Syemaya umwina Neelamu ukuti Yawe wavwanga wati, ‘Apamulandu wakuti Syemaya wamupolelela nu usemo wakwe nanti angala ntamutumile, lyene nawe watamulenga ukuzumila intumpu.

Yelemiya 6:14

Yene yakanyepela icilonda ca antu yane mu kusakaizya ala yakuti, ‘Ulongo, ulongo,’ nalino kusi ulongo.

Yelemiya 7:14

Acino, ivintu vino nacitile Syilo avino ndacitila Ng'anda ikulu ii iyakwane, ino mwemo mwataila mwenemo, incende ino napiile ku vikolwe vinu.

Ezekelo 13:19

Mukanzewanya apa manso ya antu yane, apakuti mulole utungano twakwe baale tumwi utwa pikufi, nga nu tumokolwa twa mukate. Pasi pano mukakoma antu atalinzile nu kufwa, nu kupususya atalinzile nu kwikala muno nsi. Mukasomba antu yane yano yatemwa ukuuvwa vyaufi.’”

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Zefaniya 3:11

Pa wanda kwene uo mwe antu yane mutalaya ni nsonyi pa vintu vino mwacita umu kunsangukila. Pano nemo ndafumya antu yonsi acilumba. Nupya mutalasya muituumike apa mwamba wane uwamuzilo.

Luka 3:8

Mwaomba imilimo isuma yakulanga vino mwati muzenzuka. Nupya mutainena mu myenzo inu ukuti Abulaamu ali cikolwe cinu! Nkumunena vino Leza angasenula amawe yaa ukuya ana yakwe Abulaamu.