Yelemiya 7:32 - Amazwi Yakwe Leza 2013

³² Acino amanda yaliza lino yatalaama izina lyakuti Tofeti nanti Cifoloma ca Beni Hinomu. Lelo yalaama yati Cifoloma ca Kufyulilamo, pamulandu wakuti yalaziikamo afwe mu Tofeti mpaka ni ncende iluulila.

Yelemiya 7:32 ပူးပေါင်းရင်းမြစ်များ

2 Yamwene 23:10

Umwene Yosiya watamozile ni ncende yaku Tofeti. Yali incende iyayelile uku Cifoloma ca Beni Hinomu. Wacisile vivyo pakuti kutakatale nupya kukaye umuntu uwakocela umwana kaci nanti kalume wa mpolelwa kuli ka leza kaluwi ka Moleki.

Yelemiya 19:11

Alino uyanene vino Yawe Wamaka yonsi watalanda, wati, ‘Ndonona antu yaa kumwi nu musumba kwene uu, nga nao ulaya wa musazi kwene uu utamoke uno utange ulimbwe nupya. Alino nu mu Tofeti kwene antu yamazikananga, pano kusi nakuze kuno yangayazika.

Yelemiya 19:13

Amang'anda amu Yelusalemu nga na mang'anda yakwe yamwene amu Yuda kumwi na mang'anda yonsi yano yakafutumwilamo ubani apa mapaala yao, apakuti yafutumukila mwiyulu mupela, umuli intanda nupya muno yapongolwela waini kuli tuleza tuze, yonsi kwene yalakoweziwa. Yalaya akowele wa musumba wa Tofeti.’ ”

Yelemiya 19:2

Nani injanena ukufumila pa mpongolo imwi, ino yasumbilangapo iviya. Anena ukuya nayo ku Cifoloma ca Hinomu. Kuku kwene ali kuno nali nu kuya uma imbila ku antu ino Yawe wali nu kunena.

Yelemiya 19:6

Ali cino lyene nemo ne Yawe nalanda ukuti insita imwi iliza, lino antu yalata ukwama incende ii yati Tofeti nanti Cifoloma ca Hinomu. Lelo ilaamwa ukuti Cifoloma ca Usalifi.

Yelemiya 31:40

Nupya Cifoloma consi ca vyala ni twi muno vikasumbilwa ni vyalo vyonsi ukufika nu ku kaluzi ka Kiduloni lwaku ufumondaka, ukufika sile nu ku mpongolo ya mfwalasi, vilatuulwa kuli Yawe. Vitalatala vyononeke nanti ukomololwa.”

Yelemiya 7:31

Nupya yatiyakuula incende umwa kumpepela mwenemo mu Cifoloma ca Beni Hinomu, umwakuti yaocelamo ana yao aonsi na anaci. Icintu cino ntatazile njanena, cino citatazile ciza nu mu mano yane.

Ezekelo 6:4

Utuvuwa twa viimbili tulaongololwa na tuno yakaocelapo ubani tulatamolwa.

Aina Levi 26:30

Ndonona incende zinu zino mukapepela penepo pa twamba, nomoole nu tuvuwa twinu tuno mukaocelapo ubani. Ndasumbila ivyala vinu pa tuluwi twinu twaula umi. Nupya ndapatana namwe. Mu ukali wane