Yelemiya 7:25 - Amazwi Yakwe Leza 2013

²⁵ Ukutandikila sile pa wanda uno ivikolwe vinu vyafumile umu Eguputo ukufika ni lelo kwene, nemo natwalilile ukumutumila aomvi yane, yakasema.

Yelemiya 7:25 ပူးပေါင်းရင်းမြစ်များ

2 Milandu 24:19

Nanti cali vii, lelo Yawe atuma yakasema pakasi kao kuti yawezezye antu kunoli. Yakasema yaya lino yatandike ukusoka antu yalya, yene yakanyile ukuvwa.

2 Milandu 36:15

Yawe Leza wa vikolwe vyao walanga watwalilila ukuyatumila yakasema, aya nu luse apa antu yakwe alino ayapokolola nga apokolola ni Ng'anda yakwe ikulu.

Ezila 9:7

Ukufuma ku nsita zya vikolwe vitu mpaka na ndakai twikalilila umu maifyo aipisye cuze. Pamulandu wakwe cii, sweswe kumwi na ene itu na yasimapepo itu twapelwa mu makasa ya ene ya inamasi, kuti yatulwisye yatutwale umu uzya, yatusampe nu kutuzewanya sana ndi vino cili manda yaa.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Neemiya 9:30

Apa myaka iingi ala wayatekelela. Wayatezela nu kuyaceula ukupitila muli yakasema, lelo yene yatange yakuvwe nanti panono. Fwandi ali cino wasuka waleka anisi yao yayacimvya.

Ezaya 5:4

Uzye mwe, icani cino casyala cino nemo naposiwe ukucitila icalo cane? Umulandu cii uno icalo cane caseekela iviseekwa vikantuke, icakuti mukane nu kuseeka iviseekwa ivisuma vino nemo nkalolela?

Yelemiya 11:7

Pano ukufuma sile lino nafumizye ivikolwe vyao mu Eguputo, nayasopesizye wakwe cimwi ukuyela amazwi yane. Ukufika sile na pilelo nemo natwalilila ukusopa antu yane.

Yelemiya 25:3

inti, “Apa myaka amakumi yaili na itatu, ukutandikila apa mwaka walenga ikumi na itatu iya utesi wakwe Yosiya, umwana monsi wakwe Amoni, pano wayelile apa cilimba ca wene mu Yuda, ukufika na pa wanda kwene uno umwene wavwanzile nani nga nani ntatazile imposiwe ukumunena vino wacisile. Lelo mwemo mutasumvileko amano awe.

Yelemiya 25:4

Mutali akuti munguvwa nanti ukusumbako amano nanti angala Yawe watwalililanga kumutumila aomvi yakwe yakasema.

Yelemiya 29:19

Pano yene yakana ukuvwa amazwi yane, nanti angala ntatazile inte ukuyatumila aomvi yane yakasema. Yakananga ukuyuvwa.” Ivyalanda Yawe.

Yelemiya 35:14

Isunde lya kuntamwa waini lino Yonadabu wasilile ana yakwe likalondelwa. Pasi pano kufika na pilelo yasyamwa pamulandu wakulondela isunde lya cikolwe cao. Lelo nemuno nkumunena nu kukonkomezya sana kwaula kutonta, musinguvwa foo.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Ezekelo 2:3

anena ati, “We mwana wa muntu, nkukutuma ku ina Izlaeli, yacisanguka ansangukila. Yansangukila ukufika na pilelo, alio kwene kumwi ni vikolwe vyao.

Oseya 11:7

Antu yane yakonkowezya ukumfutatila. Acino yene yalakuuta pamulandu wi koli ilili pano yali nga lelo kusi nanti umwi alayafumizya.

Oseya 12:10

Navwanzile kuli yakasema, njapela ni vilolwa ivingi nu kuyanena imilumbe kupitila muno vili.

Amosi 2:11

Nupya nene nasolwile yamwi mu ana inu kuti yaye yakasema, nu kusolola yamwi mu alumendo inu kuti yaye Anazili. Uzye asi avivyo, mwe ina Izlaeli? Avino Yawe wavwanga.

Malaki 3:7

Ukufuma sile ku manda ya vikolwe vinu mwemo mwafutatila ivipope vyane, nupya mutavisunga. Ndi mwawela kunondi, nani kwene ndawela kunomuli. “Lelo mwemo mukuti, ‘Uzye tulinzile kucita vyani pakuti tuwelele kunuli?’ ”

Luka 11:49

Pamulandu uu, Leza mu mano yakwe wavwanzile ati, ‘Ndayatumila yakasema na atumwa. Na munoyali yamwi yalayakoma na yamwi nao yalayazunya.’

Malango 9:7

“Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.