Yelemiya 7:23 - Amazwi Yakwe Leza 2013

²³ Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Yelemiya 7:23 ပူးပေါင်းရင်းမြစ်များ

Yobo 36:11

Ndi cakuti yatontela Leza nu kumuombela, lyene yangaya nu longo amanda yao yonsi nu kuipakizya imyaka yao yonsi.

Masamu 119:3

Yene yasicita cimwi iciipe. Yakapita umu nzila zyakwe.

Masamu 40:6

Impolelwa na mawila wemo usivilonda, awe. Lelo wemo wampeela amatwi akuvwilako. Usilonda amawila yakoca na mawila yakwelela amaifyo.

Masamu 81:13

“Ndi cakuti antu yane iyanguvwila, Aina Izlaeli ndi cakuti yamalondelanga inzila zyane,

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Kufuma 16:32

Lyene Mose avwanga ati, “Yawe watapeela ilamulo kunotuli kuti tusunge mana umwi pakuti aizikulu itu yakalole cakulya cino Yawe watupile kuti tulye mu lwanga lino watufumizye mu Eguputo.”

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Yelemiya 11:4

Amazwi ali yamwi kwene yano nanenyile ni vikolwe vyao lino navifumizye mu Eguputo, impanga iyakoline wi lungu lya moto. Nayanenyile ukuti ndi yayela, lyene yalaya antu yane nga nani ndaya Leza wao

Yelemiya 11:7

Pano ukufuma sile lino nafumizye ivikolwe vyao mu Eguputo, nayasopesizye wakwe cimwi ukuyela amazwi yane. Ukufika sile na pilelo nemo natwalilila ukusopa antu yane.

Yelemiya 13:11

Pano ndi vikwene vino insalu zya kuindila zikapapatila ku musana wa muntu, ali vino nani kwene nkalonda ukuti aina Izlaeli yonsi na ina Yuda yandemasye. Apakuti yaye antu yane, yalenga na antu yauze yandumbanya nu kuncindika. Lelo icamupamba cico cene antu yane yasicilonda.”

Yelemiya 22:21

Ne Yawe navwanzile namwe lino mucili nu longo, lelo mwakanyile ukuvwa. Avino mwacitanga ukufuma sile nu kukatalili, mwakananga ukuvwa amazwi yane.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Yelemiya 38:20

Yelemiya wamwasuka wati, “Utalapeelwa mu makasa yao foo. Wemo ule uvwe sile izwi lyakwe Yawe ndi muno namakunenela, apakuti cikuzipile, upususye umi wako.

Yelemiya 42:6

Ndi cakuti icakutuzipila nanti foo, tuluvwa izwi lyakwe Yawe Leza witu, wino twakutuma kweneko. Icakuti, apakuyela izwi lyakwe Yawe Leza witu tuce tukalole isyuko.”

Zefaniya 3:2

Wemo usiyela umuntu nanti wenga, nupya usizumila ukusundwa. Usitaila muli Yawe, nanti ukupalama kuli Leza.

Zakaliya 6:15

“Antu aikala kutali yaliza mukwazwilizya ukukuula cipya cipya Ng'anda ikulu yakwe Yawe. Lino ilasila, alino mulasininkizya ukuti fwandi Yawe Wamaka yonsi aliwe wantumile ne Zakaliya kunomuli. Ni cintu cico cilacitika kuno muli ndi mwalondela ningo vino Yawe wamukonkomezyanga.”

Zakaliya 7:7

Uzye amazwi yaa yasi yano Yawe wavwanzile ukukanwa kakwe yakasema ampiti, lino antu yikalanga umutende mu Yelusalemu nu mu misumba yamu mbali, lino mu Negebu nu mu mpanga ya misana ya twamba twaku uwondaka mwali antu?”

Loma 16:26

Lelo ndakai cumi cico casokololwa apaswe muli vino yakasema yalemvile. Lyene Leza, uwa manda pe nawe wapela ilamulo kuti nkama imanyikwe ku nko zyonsi pakuti antu yonsi yataile nu kuyela.

2 Kolinto 10:5

nga ni citutumusi cino cikalenga kuti muntu ali wensi atamanya Leza. Swemo tukaongola melenganyo ya antu nu kulenga kuti yayela Klistu.

Malango 11:27

upolelelo umaya uwakwinu ndi mumayela amalamulo yakwe Yawe Leza winu yano nkumupeela ilelo.

Malango 13:4

Fwandi muce mwalondela Yawe Leza winu nu kumupeela umucinzi. Sungini amasunde yakwe nu kumuyela. Mwamuombela nu kuya akutailwa kunoli.

Malango 13:5

Lelo Kasema wiyo na kalota wa viloto alinzile akomwe, pamulandu wakuti wene akunena antu ukusangukila Yawe Leza winu, wino wamufumizye mu Eguputo, mumo muno mwali azya. Antu amusango uu ankota nupya yakwezyo ukumufumya ku kwikala umi uno Yawe wapeezile ilamulo ukuti avino mwaikala. Yene yalinzile yakomwa, pakuti musisye inkota ii pakasi kinu.

Malango 30:2

Ndi cakuti mwemwe pamwi na amu mupanda winu mulaweluluka kuli Yawe nu kuyela ni myenzo inu yonsi nu umi winu onsi amalamulo yano nkumupeela ilelo,

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Malango 30:8

Lyene ali lino mulayela Yawe nu kulondela amalamulo yakwe yonsi yano nkumupeela ilelo.

Malango 4:10

ukuyanena ivya pa wanda uno mwemo mwimilile pa manso yakwe Yawe Leza winu apisika ya Mwamba wa Holebu, lino wene wavwanzile kunondi ati, ‘Konganika antu. Nkulonda kuti yuvwe vino namayanena, pakuti yasambilile ku nkwatila icoopo nu kuncindika mu manda yonsi yano yalikala mu mpanga na pakuti yasambilizye ana yao ukucita icili conga kwene.’

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

Malango 5:16

“‘Cindika so na nyoko wakwe vino Yawe Leza wako wakupeela ilamulo kuti amanda ya umi wako yavule nu kuti vyonsi vikuzipile mu mpanga ino Yawe Leza wako akukupeela.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Malango 6:3

Uvwikisini, mwe ina Izlaeli, nu kuyela amasunde! Ndi caya vivyo mulalola ukuti ivintu vyonsi vimamuzipilanga, nupya mulasanduluka cuze nu kwikala mu mpanga iya uzombozi ukulu cuze nupya iivunde, ndi vino Yawe umwisikulu, Leza wa vikolwe vitu, walavile.

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.