Yelemiya 7:11 - Amazwi Yakwe Leza 2013

¹¹ Uzye mwemo mukalola ukuti Ng'anda ii, ino ikaamilwa kwi zina lyane, ininga ya ivi vwile? Lelo nemo nkalola vyonsi vino mukacita! Ivyalanda ne Yawe.

Yelemiya 7:11 ပူးပေါင်းရင်းမြစ်များ

2 Milandu 6:33

lyene uwauvwa ipepo lyakwe ukwiyulu, kuko kuno wikala, nu kumucitila consi cino wakulenga, pakuti antu yonsi umu mpanga zyonsi yamanye izina lyako nupya yakoopa, ndi vino antu yako aina Izlaeli yakacita, nu kumanya ukuti Ng'anda ii ikulu ino nakuula, ali Ng'anda sile umwa kukupepela.

Ezaya 1:12

Aweni uwamunena ukundetela vyonsi vivyo lino mukwiza uku kumpepa? Aweni uwamunena ukulyopola mu musolo wa ng'anda yane iya kumpepelamo?

Ezaya 56:7

Ala anene ne Yawe nkumunena nati ndamuleta ku mwamba wane wamuzilo, mwamba wa Zioni. Ndamusansamusya mu ng'anda yane, ndapokelela impolelwa zinu zyakoca nga nazyuze zino mulaatula pa kavuwa kane. Pano ng'anda yane ali ino ilaamwa ukuti ing'anda yakupepelamo antu amitundu yonsi pyu.

Yelemiya 2:34

Uku vyakuzwala vyako kwazanwa uwazi wa antu akaele apina, yano utazanikizye yakoomola ing'anda yako. Lelo nanti cili vivyo

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Yelemiya 7:10

Mwemo mukacita ivintu vii vino napata, nga lyene mwiza mwimilila pa manso yane, mu Ng'anda ikulu yakwane kwene, nu kuvwanga muti, “Sweswe yacingililwe!”

Ezekelo 35:13

Nemo nkauvwa amazwi yonsi acilumba, yano ukavwanga civwangevwange pali nene. Ala nemo nkauvwa sile vyonsi.

Danieli 9:18

Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.

Mateo 21:13

Ayanena ati, “Calembwa mu malembelo cati, ‘Ing'anda yane ilaamwa ing'anda ya mapepo.’ Lelo mwemo mwaicita ininga ya iivi.”

Mako 11:17

Alino ayasambilizya ati, “Uzye citalembwa mu malembelo ukuti, ‘Ing'anda yane ilaamwa ing'anda ya mapepo yakupepelamo amu nko zyonsi?’ Lelo mwemo mwaicita ininga ya iivi!”

Yoane 2:16

Anena yano akazyanga nkunda, ati, “Zifumini, mutacita ng'anda yakwe Tata wa ng'anda ya uculuzi.”

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.