Yelemiya 7:10 - Amazwi Yakwe Leza 2013

¹⁰ Mwemo mukacita ivintu vii vino napata, nga lyene mwiza mwimilila pa manso yane, mu Ng'anda ikulu yakwane kwene, nu kuvwanga muti, “Sweswe yacingililwe!”

Yelemiya 7:10 ပူးပေါင်းရင်းမြစ်များ

1 Yamwene 9:3

Alino Yawe amunena ati, “Natinuvwa ipepo lyako nga nu kupapata kwako kuno wacita pa manso yane. Nemo natimpaatula Ing'anda ii ino watukuula, nu kwikamo izina lyane pakuti antu yampepa mwenemo amanda pe. Namawakanga nu kucingilila Ng'anda iyo insita zyonsi.

2 Yamwene 21:4

Wene wakuuzile nu tuvuwa umu Ng'anda ikulu yakwe Yawe, apa ncende ino Yawe wavwanzile ukuti ali pano yali nu kumupepela penepo insita zyonsi.

2 Milandu 33:4

Alino wakuuzile nu tuvuwa utwaciwelewele mu Ng'anda ikulu yakwe Yawe, muno Yawe umweneco wavwanzile ukuti ali muno yalamucindikila nu kumupepa.

2 Milandu 33:7

Lyene aika iciluwi mu Ng'anda ikulu yakwe Yawe, umu cifulo camuzilo cino Yawe wanenyile Davidi nu mwanakwe Solomoni ati, “Mukwene umu Yelusalemu, umu Ng'anda ikulu kwene ii yakwe Leza, ali muno nasolola apa ncende ni vifulo vyonsi ivya mpanga zya mitundu ikumi na iili yakwe Izlaeli, wa ncende muno yangampepela.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Ezaya 48:2

Pano kwene mukayama mweisikulu ukuti mwemwe ikazi amu musumba wamuzilo. Nu kutaila sana muli Leza wakwe Izlaeli, wino izina lyakwe a Yawe Wamaka yonsi.

Yelemiya 32:34

Nanti umu ng'anda ikulu ya mapepo, ino ikaamilwa umwi zina lyane, iika mwenemo ivintu vimwi vyakuzunguka vyamankowezya.

Yelemiya 34:15

Mwemo umwilelo mwaiyelako, mwacita icilungame apa manso yane, apa kuuma imbila, iyakuti cila muntu alinzile wapeela umuze untungwa. Mwapangana nu upangano apa manso yane umu ng'anda ikulu iyakumpepelamo, ikaamilwa umwi zina lyane.

Yelemiya 44:9

Uzye mwilila uyi wa vikolwe vinu, uyi wakwe yamwene aku Yuda nu wa aci yao, nu uyi winu mweisikulu nu wa aci inu, uno wacitike mu mpanga yakwe Yuda nu mu miseo yamu Yelusalemu.

Yelemiya 7:11

Uzye mwemo mukalola ukuti Ng'anda ii, ino ikaamilwa kwi zina lyane, ininga ya ivi vwile? Lelo nemo nkalola vyonsi vino mukacita! Ivyalanda ne Yawe.

Yelemiya 7:14

Acino, ivintu vino nacitile Syilo avino ndacitila Ng'anda ikulu ii iyakwane, ino mwemo mwataila mwenemo, incende ino napiile ku vikolwe vinu.

Yelemiya 7:30

“Antu yakwe Yuda yatiyacita iviipe pa manso yane. Ivyalanda ne Yawe. Yene yatiyika ivyauwelewele vyao, ivya muselu mu Ng'anda yane ikulu nu kuikowezya.

Ezekelo 20:39

Mwe ina Izlaeli, Yawe Simwandalali wavwanga wati, “Ale mule mutwalilile ukupepa tuluwi twinu! Lelo nemo nalapa ukuti ku nkolelo mulasuka muvwe izwi lyane. Mutalasausya nupya izina lyane lyamuzilo ku vya mawila inu nu ku tuluwi twinu.

Ezekelo 23:29

Yene yalakupokolola vyonsi vino waombile, alino yakakusye tupu, pano nayo kwene yakupata. Yalasya watusenekezya tupu pakuti ukazewane pa uzelele wako ku unkolanya.

Ezekelo 23:37

Yene yacita umulandu wa ucizelele, ni minwe yao yasalipa. Yene yacitanga ucizelele nu tuluwi twao. Yapisyanga na ana yao yano yaivyalile, mu moto apa kuyoca.

Ezekelo 23:39

Na pa wanda kwene ulya yakomile ana yao impolelwa yakutuulila utuluwi twao, izile mu ncende yane yamuzilo nu kuikowezya. Cumi kwene avino yacita mu ng'anda yane.

Ezekelo 33:25

“Caleka uyanene uti, ‘Yawe Simwandalali wavwanga wati, Mwemo mukalya inyama ino icili nu wazimo. Mukapepa utuluwi twinu, nupya mwemwe yacikoma. Uzye fwandi icingalenga ukuti impanga ii iye iyakwinu, icani?

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Danieli 9:18

Teya ikutwi we Leza, nu kuvwa. Si celecensya pano tuli nu kulola intazi zino zyatuponela nu ucuzi uli mu musumba uno ukaamilwako izina lyako. Tukupepa kunuli pamulandu wakuti wewe Leza wa mizu, asi pamulandu wakuti twacita ivyaololoke, awe.

Oseya 6:9

Ndi vino azanzi yakateyamila umuntu umwi, vivyo kwene avino yasimapepo yakacita kuti yakome antu umu museo uwaku Syekemu. Cumi kwene yene yakakoma antu uku mufulo sile.

Amosi 4:5

Mupele umukate winu pakuti mutaizye Leza. Muitakizye apa mawila inu akuitemelwa, nu kuyuvwa pa mawila kwene yayo, pasi pano avino mwe ina Izlaeli mwatemwa ukucita. Avino Yawe wavwanga.

Zefaniya 1:5

Ndonona yayo akakwela apa mapaala yao nu kupepa ilanzi, umwezi ni ntanda, yayo akati yakapepa Yawe nu kulapa umwi zina lyakwe, lino yene yakulapa mwi zina lyakwe Moleki.

Malaki 3:15

Lelo swemo twalola ukuti antu acilumba alio yali nu longo. Cumi kwene yakacita ya nkota alio yakaikala ningo, nupya yakaezya Leza uku vicitwa vyao. Lelo wene akayata sile.”

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Yoane 13:18

“Ntakulanda pamulandu wakwe mwemwe mwensi. Manyile yao yano nasolola. Lelo ilembelo lilinzile lifikiliziwe, lino likati, ‘Umuntu wino akulya pamwi nani watankatukila.’

Yoane 18:28

Lyene katondo tondo yafumya Yesu kwakwe Kayafa, yamutwala kwi sano lya mulasi. Ntunguluzi zya Ciyuda zyene zitingile mwi sano, zyoopa kukoweziwa, kuti zingalyako Cimulo ca Ucilo.