Yelemiya 6:7 - Amazwi Yakwe Leza 2013

⁷ Vino icifula cikafukoka amanzi, avino nu musumba uu ukafukoka uyi. Ukakasi nu ononyi ivikauvwika sile mwenemo. Indwala ni vilonda vikaloleka pee ku manso yane.

Yelemiya 6:7 ပူးပေါင်းရင်းမြစ်များ

Mapinda 4:23

Apa vintu vyonsi uwasunga umwenzo wako. Pano umwaya intulo izikapela umi.

Ezaya 1:6

Ukutandikila ku mitwe ukufika sile na pa tukando, pasi nanti pamwi apasyala umu miili inu pano tungati apa puma. Imiili inu yaya sile ikuuzuluke, ni vilonda nga ni vilase vitupu. Alino navyo kusi akavifulila, ukuvinyepela nanti ukwikapo umulembo.

Ezaya 57:20

Lelo antu aipe yakoline na yemba akasunkana, wino amaimbi yasitala yata kutengana, yano yakavundula amatipa ni ntikitili.

Ezaya 59:6

Fwandi vino mwemo mukapanga, visi vyakumuombela akantu nanti kamwi foo. Vyene ivyaciwelewele sile. Icili conga sile na vino insalu ino yapikwilwa nu usavu wakwe pengauyo!

Yelemiya 20:8

Nemo lyonsi sile ndi navwanga, ala nkupunda nu kulaizya inti, “Ala ncule mwe! Alu wononyi nu kuvula!” We Yawe, nemo lyonsi sile antu pasi pakunseka, pasi pakunsuula, pamulandu wakuti nkasema ilandwe lyakwe Yawe.

Yelemiya 30:12

Yawe wavwanga wati, “Icilonda cako icamuntapola. Ivyumo vyako vitangapola.

Yelemiya 30:13

Kusi nanti wenga uwakusakamala indwala yako, kusi nu mulembo uno ungakuwezezya umutende.

Yelemiya 30:15

“Pacani fwandi cino ukuilizyanyizizya pa cilonda cako? Ukucula kwako kutalasila. Nakucitila vyonsi vii pano uyi wako wakulisya na maifyo yako yakulisya.

Yelemiya 32:31

Umusumba kwene uu nao ukandetela sile icipyu nu ukali ukutandikila sile pano yaukuulile mpaka na pilelo. Ali cino namaufumya pa manso yane,

Yelemiya 8:22

Uzye mu mpanga ya Gileadi umulembo wasila? Uzye mutaya sing'anga nanti wenga sile? Uzye pacani fwandi cino antu yane yatapoziwa?

Ezekelo 21:29

Nena aina Amoni ukuti ivilolwa vino yakalola ivyaufi, nu kuti ivisowelo vino yakasowela, navyo kwene ivyaufi. Aina Amoni antu yaipe nupya iviwelewele vya antu, nu wanda onga wasya uyazanikizye, uli wanda wakuyalyotola. Ulupanga lwatilufika pa nsingo zyao.

Ezekelo 24:7

Mwali ukakasi mu musumba. Uwazi utazwanga pa musili apakuti lukungu aluno luuzike, wakonkolokanga pali cilwala, apiwe.

Ezekelo 45:9

Yawe Simwandalali avwanga ati, “Mwe ntunguluzi zya ina Izlaeli, awe mwaifya pavula! Tiini ukakasi winu nu mucuzya winu. Mwacita vyaulungami, muye nu mulungikila. Mutakaswilizye nupya ukuzinga antu yane mu mpanga yane. Ivyalanda ne Yawe Simwandalali.

Ezekelo 7:11

Ukali lyene wakatuka, Leza amaonona imikalile isuma ya antu aipe, ukwaula intazi nanti ukupamviwa.

Ezekelo 7:23

“Pangini umunyololo lemanini, pano impanga yatizula ukuzwisya uwazi, mu misumba namo muli impanzela zitupu.

Zefaniya 3:1

Kalanda kuli we Yelusalemu, umusumba wa antu ankalwe, yacisanguka nupya akowele!