Yelemiya 52:7 - Amazwi Yakwe Leza 2013

⁷ Yatulula ilinga mu musumba. Apakulola vivyo umwene na antu yakwe yapuuka usiku, yafuma mu musumba apa mpongolo yapakasi ka malinga yaili, umupipi ni calo ca mwene. Lilyo ala antu amu Babiloni yatiyazinguluka umusumba, yalondela ni nzila yaku Alabya.

Yelemiya 52:7 ပူးပေါင်းရင်းမြစ်များ

2 Yamwene 25:4

Alino ilinga lya musumba lyaongolwike. Lelo nanti ivita vya ina Babiloni vyazingulwike umusumba, umwene Zedekiya pamwi ni vita vyakwe yapuusile apa nsita ya usiku. Apa kupuuka yalondile inzila iyalungama uku calo ca mwene nu kwiza pitilila apa mpongolo iyayela apakasi ka viumba viili, nu kulungama uku mukonko wa Yodani.

Yelemiya 34:22

Yawe wavwanga wati, “Namapeela ilamulo lya kuyawezezya uku musumba uu, yaulwisye yaupoke nu kuoca. Namasangula ni misumba yakwe Yuda ukuya ulwanga, umutange mwikale umulawa.”

Yelemiya 39:2

Mu mwaka walenga ikumi na onga, uwa kuteeka kwakwe Zedekiya, mu mwezi wakwe cini, apa wanda walenga fundimbali, ilinga lyamokolwa.

Yelemiya 49:26

Alumendo yakwe yalaponela mu miseo yakwe mu wanda ulya. Alino asambazi ya mwenemo nayo yalalowa yonsi pyu. Ivyalanda ne Yawe Wamaka yonsi.

Yelemiya 51:32

Anisi yatiyapoka na malambwa yakwe, amalinga yakwe yatiyapya. Asilika nayo intete zyatiziyalema wakwe cimwi.”

Yelemiya 6:5

Katukini tuye tukamulwisye usiku, tonone na malinga ya musumba.”

Ezekelo 12:12

Kateeka wao alasenda cifunda cakwe apa ciye lino kakuku katola. Wene alakatuka nu kufumila pa cipongo cino antu yalatulula mu lung'umba. Alavimba pa manso pakuti atalola pansi pano akupita.

Ezekelo 12:4

Lino ucili umusanya, unyepe icifunda cako cakusenda ku uzya, ala yene yakukulola. Lyene amanguzi, lino yakukulola, ufume mu musumba winu, ungati umuntu wino akuya ku uzya.

Ezekelo 33:21

Mu mwaka walenga ikumi na iili, pa wanda walenga yasano uwa mwezi walenga ikumi, ala tucili mu uzya, umuntu umwi uwapusumwike mu Yelusalemu, wizile anena ne Ezekelo ukuti yatiyapoka umusumba.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Aina Levi 26:36

“Ndalenga mwemuno mulaya mukikale mu mpanga zya anisi inu ukuya ni ntete cakuti ndi muvwa muza uulula inswaswa cilamulenga kuti muutuke. Mulautuka kwati yakumuzinga mu nkondo. Nupya mulapona pansi lino pasi mwanisi pipi na panomuli.

Amosi 4:3

Mulalompokela wenga wenga umu nzota zya malinga, alino lyene yalamusumbila lwaku Mwamba wa Halimoni.” Avino Yawe wavwanga.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Malango 32:30

Uzye pacani cino umuntu wenga sile wacimvizye antu izimbi, nga na antu yaili sile nayo yacimvizye antu amazimbi ikumi? Apamulandu wakuti Yawe, Leza wao, wayafutata. Leza wao uwamaka yonsi wayatazyela.