Yelemiya 52:3 - Amazwi Yakwe Leza 2013

³ Caleka Yawe wasokile antu amu Yelusalemu nu mu Yuda cakuti wayainzile kulolekela ku cinso cakwe.

Yelemiya 52:3 ပူးပေါင်းရင်းမြစ်များ

Utandiko 4:14

Lola, watunsukula ku kulima umusili nga nu ku manso yako. Ntalatala nje ni teko, nupya ndazeuluka pano nsi, na wino wensi alankomanya alankoma.”

Utandiko 4:16

Lyene Kaini afuma ku manso yakwe Yawe aya aikala mu mpanga ya Nodi, ku ufumondaka wa calo ca Edeni.

2 Samueli 24:1

Yawe asokela aina Izlaeli nupya kwene, nga alenga kuti Davidi alete intazi panoyali. Yawe amunena ati, “Pitanga ukapende aina Izlaeli na ina Yuda.”

1 Yamwene 10:9

Alumbanyiwe Yawe Leza wako, wino wazangila munuli pa kukulasika apa wene mu Izlaeli. Pamulandu wakuti ukutemwa kwakwe ku ina Izlaeli ukwa manda pe, wene wakucita ukuya umwene wao pakuti wateeka mu ulungami nu wololoke.”

2 Yamwene 17:18

Acino Yawe asokela sana aina Izlaeli nu kuyasisya uku cinso cakwe, nu kusya sile amu mutundu wakwe Yuda.

2 Yamwene 17:20

Yawe wakantwile aina Izlaeli yonsi, wayakana, nga ayapanika nu kuyapela umu makasa ya anisi yao akakate, suka apakupelelekezya wayakoma sana, nu kuyatalusya uku cino cakwe.

2 Yamwene 17:23

Suka apakusyalikizya Yawe ayafuntusya uku cinso cakwe ndi muno walanga walandila ukupitila muli yakasema aomvi yakwe. Ali vino aina Izlaeli yasenzilwe ukunzi umu uzya uku Asilya kuno yacili yakaikala na ndakai kwene.

2 Yamwene 24:20

Yawe Leza wasokile antu amu Yelusalemu kumwi na yonsi amu Yuda, cakuti aleka kuti yataloleka uku manso yakwe. Lyene Zedekiya akatukila umwene waku Babiloni.

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

Ezila 4:15

pakuti yalondelezye umu mpapulo, yalole muno calembwa pa milimo ya vikolwe vitu. Mumazana ukuti umusumba uu, umusumba wa vicitwa iviipe, uwa utalami. Nupya lyonsi wayanga uwipe ku vicitwa vyakuli yamwene ya viputulwa vya mpanga. Nu musango wakusangukila uteko watandike uku mpiti sana, ku katalili sile. Icalenzile ukuti yawonone, yauongolole.

Mapinda 28:2

Uyi wa muntu wa lukang'ansi ukakatusya ivikanza. Umuntu wa mano awino akaiza avifusya.

Kasambilizya 10:16

Impanga ikaya mu ntazi lilyo lino kateeka wakweyo umwance, nga na lino intunguluzi zyaiko zikacesya mu miteweto.

Ezaya 19:4

Lelo nemo ndaleka ukuti umwene umwi umukakasi nupya umukali awino ace ateke aina Eguputo. Ivyalanda Mwene, Yawe Wamaka yonsi.”

Ezaya 3:1

Silolini lyene mwe! Yawe Wamaka yonsi, wasya apokolole ivintu vyonsi pyu, vino aina Yelusalemu na ina Yuda yikalila mwenemo. Wasya apokolole na vyonsi vino antu yikalila, ivikayazwilizya nu kuyazwilizya. Wasya apokolole amanzi ni vyakulya,

Ezaya 36:5

Uzye ukwelenganya ukuti ukuvwamvwanya kutupu ukwa mazwi ali mano? Nanti uzye ali maka ya kulwila inkondo? Uzye fwandi aweni wino wataila uwalenga ukuti ansangukile?’ ”

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 7:15

Ndamuvwintila ukutali nani, ndi vino nacisile ku ina inu, antu amu mutundu wakwe Efulemu.’”