Yelemiya 51:5 - Amazwi Yakwe Leza 2013

⁵ Pasi pano ne Yawe Wamaka yonsi, ne Leza wao, ntatazyela Izlaeli nanti Yuda, nanti angala yene yifya kunondi, ne Wamuzilo wilya wakwe Izlaeli.

Yelemiya 51:5 ပူးပေါင်းရင်းမြစ်များ

1 Yamwene 6:13

Nemo lyene ale namaikalanga pakasi ka antu yane mu Ng'anda ikulu yakwe Leza iya kwene iyakupepela mwenemo, ino ukunkuulila. Nupya ale ntalatala intazyele antu yane aina Izlaeli.”

2 Yamwene 21:16

Antu aula umulandu, yano Manase wakomile, yali anyanya umwi, icakuti uwazi wao wakonkolokanga umu tumiseo twamu Yelusalemu. Icintu cico calunzile sile pali vino wene walesile kuti aikazi amu Yuda yapepa utuluwi nu kucita ivintu vyawinyi vyuze apa manso yakwe Yawe.

Ezila 9:9

Twali azya, lelo wemo utatutazyezile. Wapile yamwene aku Pesya amizu akutuzumilizya ukwikala umu mpanga nu ku kuululula Ng'anda ikulu yakwe Leza. Wemo mwatupela umutende umu Yuda nu mu Yelusalemu.

Masamu 94:14

We Yawe, utange utazyele antu yako, utange usumbe antu ali yakwako mpo.

Ezaya 44:21

Yawe wavwanga wati, “Mwe ina Izlaeli mwe! Mwaiusya ivintu vii. Mwaiusya ukuti mwemo mwemwe aomvi yane. Anene namuumvile apakuti mwaya aomvi yane. Nemo ntalamwilila foo.

Ezaya 51:15

“Anene ne Yawe, Leza wako. Anene nkasunkanya yemba, apakuti amayimbi yakatuke yaitamola. Izina lyane anene Yawe Wamaka yonsi!

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Yelemiya 14:19

We Yawe uzye watututazyela sile swe ina Yuda? Uzye watutupatilila sile swe ina Zioni? Uzye pacani cino watutimbwilila vii, ukali ukali cakuti twaposiwa nu kupola? Swemo twalondanga ukuikalila swenga ku matwi cele, lelo kutaya icuma nanti conga cino caloleka penepo. Swemo twalolelanga sile ukupola, lelo twikalila sile ukusokondwa.

Yelemiya 14:9

Pacani cino wayela wa muntu uwataulizya amano, nanti wa musambazi wino atakweti amaka akutupususya? We Yawe, cumi kwene wemo waya apakasi kitu? Swemo sweswe antu yako, utatutazyela, awe.”

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Yelemiya 23:15

Caleka Yawe Wamaka yonsi wavwanga pamulandu wakwe yakasema amu Yelusalemu wati, “Ndayapeela umusalu ulule kuti yalye nga nu mwavi kuti yamwe, pamulandu wakuti ukufuma kuli yakasema yaya amu Yelusalemu ivicitwa viipe vyativisansantikila mu mpanga yonsi.”

Yelemiya 31:37

“Apakusumba uluko lonsi lwa ina Izlaeli apamulandu wa vintu vyonsi vino lwacita, suka sile namanye amayulu yatala yapimwa, na pa simpwa insi yonsi napo patala papimwa.” Ivyalanda Yawe.

Yelemiya 46:28

Yawe walanda wati, “Utoopa we muomvi wane Yakobo, pano nemo ndi nawe. Ndalovya imitundu yonsi ya antu amu nko zino namusalanganyizizyeko. Lelo wemo ntalakulovya. Ndakusunda sile ukulingana ni nsambu. Ntalakutapo sile, lelo ndakukalipila.”

Yelemiya 50:20

Umu manda yaya na pa kasita kaka, mu mpanga yakwe Izlaeli mutalaya uyi foo, ni mpanga yakwe Yuda mutalaya inkota foo. Pano insyazi izilasyalako, ndaziyelela uluse.” Ivyalanda ne Yawe.

Yelemiya 51:19

Wiyo wino waya icuma cakwe Yakobo wene atakoline nato, awe. Pano wene ali kaumba wakwe vyonsi, ukwikapo nu mutundu wa Izlaeli, caupyanyi cakwe. Izina lyakwe a Yawe Wamaka yonsi.

Ezekelo 8:17

Yawe anena ati, “We mwana wa muntu, uzye walola vimisango vii? Ala antu yaa Ayuda, yatalata ukucita ivintu vii vyonsi vyawinyi vino walola muno. Ayano yalenga nu kuti kuye impanzela mu mpanga ino yonsi. Alenzile nu kuti icipyu cane cicile penepo. Watuilolela we mwisikulu vino yakunsaalula mu misango yonsi ino yakunsaalwilamo.

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Oseya 2:1

Pamulandu kwene uu unene aina Izlaeli uti, “Mwemwe antu yakwe Yawe,” nupya uyanene uti, “Yawe wamutemwa,”

Oseya 2:3

Ndi cakuti atacisile cico, ale lyene ndamuzula, pakuti aikale tupu ndi vino wali lino wavilwe. Ndaleka aye wa lwanga, nupya alaya wa musili uumalale, nga ndamukoma ku lusala.

Oseya 4:1

Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Zakaliya 12:6

“Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.

Zakaliya 12:8

Pa nsita iyo ne Yawe ndacingilila aina Yelusalemu cakuti nu tupopo twao kwene tulakwata amaka ali yamwi kwene na yano umwene Davidi wakweti. Ana yakwe Davidi ali yano yalayatungulula wa mungeli wane ne Yawe.

Zakaliya 2:12

Nupya nalyuze, Yawe alatengela Yuda ukuya wacuma cakwe mpo, icaya umu mpanga yamuzilo, nga lyene Yelusalemu aliwe alaya umusumba wakwe utemwikwe ukuluta pali yonsi.

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.