Yelemiya 51:41 - Amazwi Yakwe Leza 2013

⁴¹ Yawe wavwanga pali Babiloni ati, “Iye mwe Babiloni vino wapokwa, umusumba uno antu yonsi pano nsi yalumbilizya! Iye mwe lyene vino antu yonsi yakupukanya sile imitwe apakulola vino Babiloni ali!

Yelemiya 51:41 ပူးပေါင်းရင်းမြစ်များ

2 Milandu 7:21

“Alino nanti Ng'anda kwene ii icindamisye ilasyala itongwa, umuntu wensi wino alapita nu kulolesya penepo alazunguka nu kuuzya ati, ‘Uzye pacani cino Yawe wacitila icamusango uu uku mpanga ii nu ku Ng'anda ikulu kwene?’

Ezaya 13:19

Babiloni uwene wacindamisya ukuluta, uno waya icilumba nu lulumbi lwa mawene, yalaulwisya kuli Leza ndi vino cali kuli Sodoma na Gomola.

Ezaya 14:4

muce mwimbile ulwimbo luu, ulwa kuwela umwene waku Babiloni muti, “Iye mwe ukukalala kwa mwanisi vino kwasila! Ukali wakwe wa mitumfyo waputuka uli?”

Yelemiya 25:26

ukwikapo na yamwene yonsi aku kayeya, amu pipi na akutali, wenga nu muze. Katuvwange sile tuti amawene yonsi pyu apano nsi. Pakusyalikizya, umwene waku Syesyaki, alaamwa mwenemo.

Yelemiya 49:25

Iye mwe umusumba wa lulumbi, umusumba wa nsansa vino wasyala ivitotela!

Yelemiya 50:23

Iye mwe vino Babiloni wali wa nondo ino ikutamola insi yonsi, alino lyene inondo kwene iyo yatitamoka! Yemwe Babiloni akusalosya antu ya mitundu yuze yonsi ku myenzo!

Yelemiya 50:46

Lino impanga ya Babiloni ilawa, kuluvwika icilundumusi. Antu amitundu yonsi yaluvwa impooma zya ina Babiloni.”

Yelemiya 51:37

Alino lyene umusumba wa Babiloni ulasanguka itongwa umulaikala sile yankusa. Antu yalati yalolekesya, iciyaputula ni misana. Mutalikala umuntu nanti wenga na yano yalalola vino caya yalazunguka.

Ezekelo 27:35

“Yonsi aikalanga mu nkumba zya kutali, ulanda wati uyalema pamulandu wako. Yamwene yayo intete zikalamba zyatiziyalema, yatiyafimfintika na pa manso.

Danieli 2:38

Wene wika antu ni vinyama vya mpanga ni vyunyi vya mulwelele mu makasa yako. Konsi kuno vikaikala wewe uli kateeka wakwevyo vyonsi. Wewe uli mutwe ulya wakwe zaabu.

Danieli 4:22

“Musambazi, wewe uli cimuti cici, citali nupya camaka. Wemo watuya umukulu wakwe cimwi cakuti ukulu wako wafika nu mwiyulu, na maka yako autesi yafika nu ku mpanga zyakutali umu nsi yonsi.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Malango 28:37

Umu nko muno Yawe alamusalanganyizizya, antu yalazunguka pa vintu vino vyati vimuponela. Yalamuwela nu kumutumfya.