Yelemiya 51:34 - Amazwi Yakwe Leza 2013

³⁴ Nebukadineza umwene waku Babiloni waputozile Yelusalemu nu kumulya. Wene wamalizile umusumba kwati awiya wino akukombesya umu ntendo. Wataumila kwati a musato, nu kuzuzya indilwa yakwe. Watasumba ivyasyala

Yelemiya 51:34 ပူးပေါင်းရင်းမြစ်များ

Yobo 20:15

Wene umucenjezi nupya akaiya ivyuma vya antu, lelo ivyuma vivyo vitanga mutumbwila nanti cimwi. Uzye lyene asi a Leza akamupokolola ivyuma vivyo?

Masamu 74:13

Uku maka yako sile akuno walepwilile yemba paili, nu kusyunola imitwe ya vilyanyi vyamuli yemba.

Mapinda 1:12

silekini tuyamile yacili apuma, ndi vino ilindi likacita, nupya wakwe yao akwikwa umu ciwina.

Ezaya 34:11

Yasinsimwe na yamwankole ali yano yalaikala mwenemo. Yawe aliwe alaleka kuti impanga isyale ikazyana, ndi vino yali lino ivintu vitatala vyaumbwamo.

Ezaya 42:22

Lelo antu kwene yaa yayasampa nu kuyapoka ivintu vyao. Yonsi pyu yalemwa umu macele, nu kusumbilwa mu ng'anda zyaminyololo. Yayasampa ivyuma nupya pasi umwi uwakuyakulula, yayiila nupya kusi umwi uwakuvwanga ati, “Yawezezini!”

Yelemiya 50:17

Aina Izlaeli yali wa mfwele zino zikulungwa kuli cisama. Apa kutandika cali umwene wa ina Asilya ali wino wayalile ivyala, alino piza palondelela Nebukadineza umwene waku Babiloni, nawe wizile akokota amafupa.

Yelemiya 50:7

Wensi wino wayakomenkanya ayatakanya. Na anisi yao ala yakuti, ‘Usi mulandu witu foo, nga vino yaifya kuli Yawe, ikola lyao lya mpomvu nu utailo wa vikolwe vyao.’

Yelemiya 51:44

Nemo lyene namavunuka Beli, leza wa ina Babiloni. Namamupokolola ni vyuma vyakwe vya wivi. Antu ya mitundu yuze ale lyene casila yasikumupepanga, awe. Na malinga yakwe Babiloni yalaongoloka!

Yelemiya 51:49

Babiloni nawe alawa pamulandu wakwe yano yakomilwe umu Izlaeli, ndi vino wene wakomile antu aingi umu mpanga zyao.” Ivyalanda ne Yawe.

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Nyimbo zya ndosya 2:16

Anisi inu yonsi yakumusoweka nu kumutumbila inkansi. Yene yakulumanya incecete ala yakuti, “Ee, lyene twatitumonona! Uli wanda kwene uno twalolelanga! Lyene twasuka twazanwako.”

Ezekelo 36:3

“Fwandi lyene sema amazwi yane, landa amazwi yano ne Yawe nasya mvwange. Lino antu amitundu ya mumbali yaposile nu kusampa ivyuma vyamu myamba yamu Izlaeli, yonsi yawelanga Izlaeli.

Oseya 8:8

Aina Izlaeli yatiyamilwa. Yene yatiyaya wa vikona pakasi ka antu amu nko zyuze.

Amosi 8:4

Uvwini vii, mwemuno mukalyatola yayo aulilwa, mwemuno mukalonda ukonona apina amu mpanga kwene ii.

Naumi 2:2

Yawe ali pipi nu kuwezezya ululumbi ku mpanga ya Izlaeli, wakwe lulu luno yakweti lino anisi yatali kuti yaizanze.

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [